جامبىل وبلىسى ەكٸمٸنٸڭ ايتۋىنشا, بٷگٸنگە دەيٸن 62 تۇرعىن ٷي جٶندەلگەن. جالپى قايتا قالپىنا كەلتٸرۋ جۇمىستارىن 10 قاراشاعا دەيٸن اياقتاۋ جوسپارلانىپ وتىر. جٸبەك جولى اۋىلىنداعى قيراعان №5 ورتا مەكتەپتٸڭ ورنىنا جاڭا مەكتەپ سالىنادى.
بەردٸبەك ساپارباەۆتىڭ مەلٸمەتٸ بويىنشا, 26 ادام ستاتسيوناردا ەم الىپ جاتىر. ولاردىڭ 15-ٸ گوسپيتالدا ەمدەلٸپ جاتقان ەسكەري, پوليتسييا جەنە تٶتەنشە جاعدايلار جٶنٸندەگٸ دەپارتامەنتتٸڭ قىزمەتكەرٸ.
"جارىلىستان قازا بولعاندار وتباسىنا ماتەريالدىق كٶمەك كٶرسەتٸلٸپ جاتىر, سونداي-اق زارداپ شەككەن وتباسىلاردىڭ جۇمىسسىز مٷشەلەرٸن جۇمىسقا ورنالاستىرۋ مەسەلەسٸ شەشٸلٸپ جاتىر. ەكٸنشٸ دەڭگەيلٸ بانكتەردە قارىزى بار وتباسىلاردىڭ كرەديتٸن ٶتەۋ مەسەلەسٸ تولىق شەشٸلگەن", - دەلٸنگەن حابارلامادا.
سونىمەن قاتار, مەملەكەت باسشىسىنا ٶڭٸردٸڭ ەلەۋمەتتٸك-ەكونوميكالىق دامۋى جٶنٸندە مەلٸمەت بەرٸلدٸ. جامبىل وبلىسىنىڭ ەكونوميكالىق ٶسٸمٸ - 106,4 پايىز. بيىلعى قاڭتار-تامىز قورىتىندىسى بويىنشا ٶنەركەسٸپ ٶندٸرٸسٸنٸڭ ٶسٸمٸ 5,4 پايىز, اۋىل شارۋاشىلىعى 3 پايىز, ينۆەستيتسييا 19,5 پايىز, قۇرىلىس 9 پايىز, تۇرعىن ٷي 14 پايىز, ساۋدا-ساتتىق 4 پايىز دەڭگەيٸندە بولادى دەپ كٷتٸلەدٸ.
بيىل اۋا رايىنىڭ قولايسىزدىعى مەن قۋاڭشىلىققا قاراماستان, ەگٸن ٶنٸمدٸلٸگٸ ٶڭٸر بويىنشا گەكتارىنا 15 تسەنتنەردەن اينالماق. ەكٸمنٸڭ ايتۋىنشا, وبلىستاعى ۆاكتسينا الۋعا تيٸستٸ تۇرعىنداردىڭ 72,5 پايىزى ەكپە العان.
سونىمەن قاتار, پرەزيدەنتكە ۆاكتسينا شىعاراتىن زاۋىتتىڭ دايىن ٶنٸمدٸ قۇيۋعا تولىق ەزٸر ەكەنٸ ايتىلدى. جۇمىس كەستەگە ساي جٷرگٸزٸلٸپ جاتىر. زاۋىت پەن بيولوگييالىق قاۋٸپسٸزدٸك پروبلەمالارى جٶنٸندەگٸ عىلىمي زەرتتەۋ ينستيتۋتىنىڭ قىزمەتكەرلەرٸنە ارنالعان ٷيلەر مەن اكت زالى بار دەنە شىنىقتىرۋ-ساۋىقتىرۋ كەشەنٸنٸڭ قۇرىلىسى جالعاسىپ جاتىر.
ەڭگٸمەلەسۋ سوڭىندا قاسىم-جومارت توقاەۆ ٶڭٸر ەكٸمٸنە وسى باعىتتاعى جۇمىستاردى جالعاستىرۋ جٶنٸندە بٸرقاتار ناقتى تاپسىرما بەردٸ.
