Jambyl oblysynyń Baizaq aýdanynda ornalasqan áskeri bólim qoimasynan órt shyǵyp, jarylys boldy. Bul týraly QR Qorǵanys ministrliginen málim etti, dep habarlaidy "Ult aqparat".
«Búgin saǵat shamamen 19:00-de Jambyl oblysynyń Baizaq aýdanynda ornalasqan áskeri bólim qoimalarynyń birinen órt shyqty. Órt saldarynan belgisiz zattyń jarylysy oryn aldy. Órtti sóndirýge bólimniń shynjyr tabandy órt sóndirý mashinasy men órt sóndirý komandasy jumyldyrylǵan. Olarǵa Jambyl oblystyq TJD órt sóndirý bólimsheleri kómek kórsetýde. Órt oshaǵynyń joiý jalǵasyp jatyr. Órttiń neden shyqqany anyqtalý ústinde», - delingen ministrlik taratqan aqparatta.
Vedomstvo málimetinshe, oqiǵa ornyna QR Qorǵanys ministriniń orynbasary, general-leitenant Rýslan Shpekbaev bastaǵan Qorǵanys ministrliginiń komissiiasy jiberildi.
Eske salaiyq, 2009 jyldyń naýryz aiynda Arys qalasyndaǵy qoimada jarylǵysh zattar janyp, ýtilizatsiialanǵan oq-dáriler jarylǵan edi. Oqiǵa saldarynan úsh adam qaza taýyp, taǵy 17 adam jaraqat aldy. Qoimadaǵy jarylystyń sebebi - durys saqtamaý jáne jarylys qaýpi bar zattarmen jumys isteý.
Video: Tengrinews
