© Sputnik / Anatolii Ýstinenko
Jambyl oblysynda jol apaty saldarynan eki adam tiridei janyp ketti, dep habarlaidy «Ult aqparat» Sputnik Qazaqstan-ǵa silteme jasap.
Oblystyq politsiia departamenti usynǵan aqparatqa sáikes, jol apaty 24 qarasha kúni keshki saǵat 20:50-de "Batys Eýropa-Batys Qytai" tas jolynda bolǵan. Áleýmettik jelide oqiǵa ornynda túsirilgen video taraldy.
Tarazǵa bet alǵan VAZ 2114 jáne BMW kólikteri jol jieginde toqtap turǵan. Sol kezde Mercedes markaly kóliktiń júrgizýshisi rólge ie bola almai, eki birdei kólikke soǵylǵan. Soqqynyń qatty bolǵany sonsha, BMW birden otqa oranady. Salonda áiel men onyń kámelet jasqa tolmaǵan uly bolǵan. Ekeýi de tiridei janyp ketti.
Qazirgi kezde jol apaty boiynsha sotqa deiingi tergeý sharalary bastaldy. Mercedes-tiń 44 jastaǵy iesi qamaýǵa alyndy.
Aita keteri, Qylmystyq kodekstiń 345-baby (Kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy, abaisyzda eki nemese odan da kóp adamnyń ólimine ákep soqqan is-áreket) boiynsha bes jyldan on jylǵa deiingi merzimge bas bostandyǵynan aiyrý jazasy qarastyrylǵan.
