Jambyl oblysynda bolǵan aýyr jol apatynan eki adam qaza taýyp, tórteýi jaraqat aldy, - dep habarlaidy Tengrinews.kz.
Politseilerdiń málimetinshe, 2 qańtar kúni saǵat 15.20 shamasynda respýblikalyq mańyzy bar "Batys Eýropa-Batys Qytai" tasjolynyń 223-shi shaqyrymynda Mercedes Benz kóliginiń qatysýymen jantúrshigerlik jol apaty boldy.
"Áiel kólik tizginin basqara almai, joldan shyǵyp, shuńqyrǵa túsip birneshe ret aýdarylyp ketken. Apat saldarynan kóliktiń eki jolaýshysy oqiǵa ornynda qaza tapty. Júrgizýshi jáne túrli dene jaraqattaryn alǵan tórt jolaýshy Qordai kentiniń ortalyq aýdandyq aýrýhanasyna jetkizildi", - dep habarlady politsiianyń baspasóz qyzmeti.
Birqatar tiisti saraptamalar taǵaiyndaldy.
