©Sputnik / Vitalii Beloýsov
Jambyl oblysynda shekara qyzmetiniń sarbazy qaitys boldy, dep habarlaidy Sputnik Qazaqstan.
18 jastaǵy Bekbol Mirash - Atyraý oblysynyń týmasy. Qyzylqoǵa aýdanyndaǵy Miialy aýylynda dúniege kelgen. Týystary sarbazdyń qaitys bolǵanyn rastady.
"Qazir Tarazdamyz. Denesin ushaqqa salyp jatyrmyz...", - deidi olar.
Aita keteri, buǵan deiin áleýmettik jelide Bekboldyń óz-ózine qol salǵany týraly aqparat taraǵan edi.
Eske salaiyq, buǵan deiin Jambyl oblysyndaǵy 30212 áskeri bólimde merzimdi áskeri qyzmetke shaqyrylǵan Álibek Qalbai tórt kúnnen keiin qaitys bolǵan. 18 jastaǵy sarbaz Mańǵystaýdan shaqyrylǵan bolatyn.
Al kúni keshe Atyraý oblysyndaǵy memlekettik shekara ýchaskeleriniń birinde kezekshilik atqarý kezinde merzimdi áskeri qyzmetshi Nurbek Erǵaliev kóz jumdy.
