kollaj: Tengrinews.kz
Jambyl oblysy Turar Rysqulov aýdanynda áskeri kiimdegi belgisiz er adam turǵyndardyń úiine kirip, soqqyǵa jyqqan, - dep habarlaidy "Ult aqparat" Polisia.kz saityna silteme jasap.
Basylym málimetinshe, oqiǵa 12 jeltoqsanda bolǵan. Turar Rysqulov aýdandyq politsiia bólimine áskeri kiimdegi belgisiz er adamnyń Qulan aýylyndaǵy birneshe úige kirip, turǵyndarǵa dene jaraqatyn keltirgeni týraly habarlama túsken.
Eskertý! Videoda bylapyt sózder aitylady!
Anyqtalǵandai, er adam keshki ýaqytta úi aýlasynda ornalasqan dúkenge kirip, 45 jastaǵy azamatshanyń bet tusynan soqqy jasaǵan. Sodan soń osy kóshede ornalasqan taǵy eki páterge bólek kirip, aldynan shyqqan 45 jáne 43 jastaǵy azamatshalardy uryp-soqqan. Sońǵy azamatshanyń úiindegi joldasy atalǵan er adamdy ustap, politsiia qyzmetkerlerin shaqyrtqan.
Shaqyrtý boiynsha shuǵyl jetken politsiia qyzmetkerlerimen 22 jastaǵy áskeri qyzmetshi politsiia bólimine jetkizilip, tiisti jedel is-sharalar júrgizildi.
Bul derek boiynsha Ońtústik óńirlik áskeri tergeý basqarmasynyń Taraz qalasy boiynsha departamentimen QR QK 149-baby 2-babymen sotaldy tergeý amaldary bastaldy.
Aita keteiik, shabýyldan keiingi kadrlar áleýmettik jelide tarap jatyr. Videoda er adam áskeri qyzmetshini betin tómen qaratyp ustap turǵany kórinedi. Keiinirek videoda sol kóziniń asty kógergen áiel kórinedi. Kadr syrtyndaǵy daýys ol zardap shegýshi ekenin aitady.
