كوللاج: Tengrinews.kz
جامبىل وبلىسى تۇرار رىسقۇلوۆ اۋدانىندا ەسكەري كيٸمدەگٸ بەلگٸسٸز ەر ادام تۇرعىنداردىڭ ٷيٸنە كٸرٸپ, سوققىعا جىققان, - دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
باسىلىم مەلٸمەتٸنشە, وقيعا 12 جەلتوقساندا بولعان. تۇرار رىسقۇلوۆ اۋداندىق پوليتسييا بٶلٸمٸنە ەسكەري كيٸمدەگٸ بەلگٸسٸز ەر ادامنىڭ قۇلان اۋىلىنداعى بٸرنەشە ٷيگە كٸرٸپ, تۇرعىندارعا دەنە جاراقاتىن كەلتٸرگەنٸ تۋرالى حابارلاما تٷسكەن.
ەسكەرتۋ! ۆيدەودا بىلاپىت سٶزدەر ايتىلادى!
انىقتالعانداي, ەر ادام كەشكٸ ۋاقىتتا ٷي اۋلاسىندا ورنالاسقان دٷكەنگە كٸرٸپ, 45 جاستاعى ازاماتشانىڭ بەت تۇسىنان سوققى جاساعان. سودان سوڭ وسى كٶشەدە ورنالاسقان تاعى ەكٸ پەتەرگە بٶلەك كٸرٸپ, الدىنان شىققان 45 جەنە 43 جاستاعى ازاماتشالاردى ۇرىپ-سوققان. سوڭعى ازاماتشانىڭ ٷيٸندەگٸ جولداسى اتالعان ەر ادامدى ۇستاپ, پوليتسييا قىزمەتكەرلەرٸن شاقىرتقان.
شاقىرتۋ بويىنشا شۇعىل جەتكەن پوليتسييا قىزمەتكەرلەرٸمەن 22 جاستاعى ەسكەري قىزمەتشٸ پوليتسييا بٶلٸمٸنە جەتكٸزٸلٸپ, تيٸستٸ جەدەل ٸس-شارالار جٷرگٸزٸلدٸ.
بۇل دەرەك بويىنشا وڭتٷستٸك ٶڭٸرلٸك ەسكەري تەرگەۋ باسقارماسىنىڭ تاراز قالاسى بويىنشا دەپارتامەنتٸمەن قر قك 149-بابى 2-بابىمەن سوتالدى تەرگەۋ امالدارى باستالدى.
ايتا كەتەيٸك, شابۋىلدان كەيٸنگٸ كادرلار ەلەۋمەتتٸك جەلٸدە تاراپ جاتىر. ۆيدەودا ەر ادام ەسكەري قىزمەتشٸنٸ بەتٸن تٶمەن قاراتىپ ۇستاپ تۇرعانى كٶرٸنەدٸ. كەيٸنٸرەك ۆيدەودا سول كٶزٸنٸڭ استى كٶگەرگەن ەيەل كٶرٸنەدٸ. كادر سىرتىنداعى داۋىس ول زارداپ شەگۋشٸ ەكەنٸن ايتادى.
