Jambyl oblysynda saperler temirjol boiyn tekserip jatyr. Bul týraly Jambyl oblysynyń ákimi Berdibek Saparbaev málim etti, dep habarlaidy QazAqparat.
«Biz keshe temirjol qozǵalysyn toqtattyq. Keshe qalamyzǵa 2 jolaýshylar poiyzy kelgen bolatyn. Olarǵa 20 shaqty kólik uiymdastyryp, jolaýshylardy baratyn jerlerine jónelttik. Qazirgi tańda ol jerde jolaýshylar poiyzy toqtap turǵan joq. Saperler jumys istep jatyr. Olar temirjoldyń boiyn tazartyp bitedi, odan keiin temirjolshylardyń ózderi baryp qaraidy. Sodan soń birigip sheshim qabyldaityn bolamyz», - dedi óńir basshysy Jambyl óńirlik kommýnikatsiialar qyzmetindegi baspasóz máslihaty barysynda.
Sonymen qatar ol taýar tasityn, jolaýshylar tasymaldaityn kólikter úshin jol aldaǵy ýaqytta ashylatyndyǵyn aitty.
«Al kólikterge ainalma jol uiymdastyrdyq. Negizgi jol oqiǵa bolǵan jerge jaqyn bolǵandyqtan ýaqytsha jabyq», - dedi Berdibek Saparbaev.
