Jambyl oblysynyń quqyq qorǵaý organdary Taraz mańyndaǵy qumdy aimaqqa qaýipti áýe bombasynyń qalai kelgenin anyqtap jatyr, dep habarlaidy QazAqparat.
Jambyl oblysy politsiia departamentiniń áleýmettik jelidegi resmi paraqshasyna Baizaq aýdanynyń turǵynynan qumnan tabylǵan kúdikti zat týraly habarlama kelip túsken.
Departamenttiń baspasóz qyzmeti habarlamaǵa dereý jaýap berip, ony Baizaq aýdandyq politsiia bólimindegi áriptesterine tapsyrdy.
«Politsiia qyzmetkerleri oqiǵa ornyna kelip, aviatsiialyq snariadqa uqsas zat tapqan. Sodan keiin oqiǵa ornyna politsiia departamentiniń saperleri, TJ departamentiniń órt sóndirýshileri men qutqarýshylary shaqyryldy», - dep habarlady oblystyq politsiia departamenti.
Oqiǵa ornyna kelgen saperler snariadty zerttep, onyń 1962 jyly shyǵarylǵan «FAB 500m-62» aviatsiialyq bombasy ekenin aitty.
Onyń salmaǵy - 500 keli, uzyndyǵy 2,5 metrge jetedi, ol kez kelgen minýtta 200 metrge deiin jaryla alady.
Bombany odan ári zalalsyzdandyrý úshin arnaiy áskeri tehnikaǵa tiep, poligonǵa alyp ketti.
«Politsiiaǵa qaýipti bomba týraly habarlaǵan er adamdy marapattaý týraly usynys jasaldy», - deidi politsiia departamenti.
