31 shildede Saryshaǵan-Shyǵanaq temirjol teliminde júk vagondarynyń joldan shyǵyp ketýine qatysty tergeý amaldary júrgizildi, dep habarlaidy "Ult aqparat" vedomstvonyń baspasóz qyzmetine silteme jasap.
Tergeý jumystaryna «QTJ» UK» AQ mamandary, «Azovelektrostal» JAQ (Ýkraina), «Instkomtrans» JShS ókilderi qatysty.
«Tekserý kórsetkendei, apatqa 28-shi vagonnyń búiir jaqtaýshasynyń jaryqshaǵy sebep bolǵan. Atalmysh aqaýly jaqtaýshany 2009 jyly «Azovelektrostal» AAQ shyǵarǵan. Vagonnyń menshik iesi - «Istkomtrans» JShS ekendigi anyqtaldy» delingen habarlamada.
Qazirgi qoldanystaǵy QR Temirjol kóligindegi qaýipsizdik tártibine bailanysty bolǵan oqiǵaǵa «Azovelektrostal» AAQ jaýapty retinde tirkeldi.
«Qazaqstan temir jolyna» keltirilgen barlyq shyǵyndardy zańdy negizde vagonnyń menshik iesi «Istkomtrans» JShS óteýge mindetti. «QTJ» UK» AQ ony atalǵan seriktestikten talap etti.
