Foto: Jambyl oblysy PD/zhambyl_police
Jambyl oblysy PD patrýldik politsiia batalonynyń aǵa inspektory Úshkempir Abai Baqytbekuly 12 aqpan kúni aýrýhananyń jansaqtaý bóliminde kóz jumdy, dep habarlaidy Ult.kz Jambyl oblysy PD baspasóz qyzmetine silteme jasap.
11 aqpan kúni saǵat 19:40-ta «Almaty-Tashkent» avtojolynyń 203-shaqyrymynda «Volkswagen Passat» markaly avtokóliktiń júrgizýshisi qarama-qarsy qozǵalys jolaǵyna shyǵyp ketip, bekitilgen aýmaqta jol qaýipsizdigin qamtamasyz etip júrgen patrýldik avtokóligimen soqtyǵysqan.
- Jol-kólik oqiǵasy saldarynan qyzmettik kólikte bolǵan eki politsiia qyzmetkeri ártúrli dene jaraqattarymen Qordai aýdandyq ortalyq aýrýhanasyna jetkizildi. Jambyl oblysy PD patrýldik politsiia batalonynyń aǵa inspektory Úshkempir Abai Baqytbekuly 12 aqpan kúni aýrýhananyń jansaqtaý bóliminde kóz jumdy, - delingen Jambyl oblysy PD habarlamasynda.
Politsiia aǵa leitenanty Abai Úshkempir ishki ister organdarynda 2017 jyldyń 14 jeltoqsanynan beri qyzmet atqarǵan, al qazirgi qyzmetine 2025 jyldyń 6 aqpanynda taǵaiyndalǵan. Qyzmet etken jyldary ishinde 9 márte marapattalǵan.
Jambyl oblysy Politsiia departamenti marqumnyń týystaryna kóńil aitty.
Jambyl oblysy Politsiia departamenti marqumnyń týystary men jaqyndaryna qaiǵyryp, kóńil aitady, - delingen habarlamada.
