فوتو: جامبىل وبلىسى پد/zhambyl_police
جامبىل وبلىسى پد پاترۋلدٸك پوليتسييا باتالونىنىڭ اعا ينسپەكتورى ٷشكەمپٸر اباي باقىتبەكۇلى 12 اقپان كٷنٸ اۋرۋحانانىڭ جانساقتاۋ بٶلٸمٸندە كٶز جۇمدى, دەپ حابارلايدى Ult.kz جامبىل وبلىسى پد باسپاسٶز قىزمەتٸنە سٸلتەمە جاساپ.
11 اقپان كٷنٸ ساعات 19:40-تا «الماتى-تاشكەنت» اۆتوجولىنىڭ 203-شاقىرىمىندا «Volkswagen Passat» ماركالى اۆتوكٶلٸكتٸڭ جٷرگٸزۋشٸسٸ قاراما-قارسى قوزعالىس جولاعىنا شىعىپ كەتٸپ, بەكٸتٸلگەن اۋماقتا جول قاۋٸپسٸزدٸگٸن قامتاماسىز ەتٸپ جٷرگەن پاترۋلدٸك اۆتوكٶلٸگٸمەن سوقتىعىسقان.
- جول-كٶلٸك وقيعاسى سالدارىنان قىزمەتتٸك كٶلٸكتە بولعان ەكٸ پوليتسييا قىزمەتكەرٸ ەرتٷرلٸ دەنە جاراقاتتارىمەن قورداي اۋداندىق ورتالىق اۋرۋحاناسىنا جەتكٸزٸلدٸ. جامبىل وبلىسى پد پاترۋلدٸك پوليتسييا باتالونىنىڭ اعا ينسپەكتورى ٷشكەمپٸر اباي باقىتبەكۇلى 12 اقپان كٷنٸ اۋرۋحانانىڭ جانساقتاۋ بٶلٸمٸندە كٶز جۇمدى, - دەلٸنگەن جامبىل وبلىسى پد حابارلاماسىندا.
پوليتسييا اعا لەيتەنانتى اباي ٷشكەمپٸر ٸشكٸ ٸستەر ورگاندارىندا 2017 جىلدىڭ 14 جەلتوقسانىنان بەرٸ قىزمەت اتقارعان, ال قازٸرگٸ قىزمەتٸنە 2025 جىلدىڭ 6 اقپانىندا تاعايىندالعان. قىزمەت ەتكەن جىلدارى ٸشٸندە 9 مەرتە ماراپاتتالعان.
جامبىل وبلىسى پوليتسييا دەپارتامەنتٸ مارقۇمنىڭ تۋىستارىنا كٶڭٸل ايتتى.
جامبىل وبلىسى پوليتسييا دەپارتامەنتٸ مارقۇمنىڭ تۋىستارى مەن جاقىندارىنا قايعىرىپ, كٶڭٸل ايتادى, - دەلٸنگەن حابارلامادا.
