Jambyl oblysynda qolǵa alynǵan is-sharalar nátijesinde, sońǵy aptada, iaǵni, 28 shilde - 4 tamyz aralyǵynda pnevmoniiamen aýrýshańdyq 2,6 ese tómendegen.
Bul týraly búgin óńirlik kommýnikatsiialar qyzmeti alańynda ótken brifingte oblys ákimdigi densaýlyq saqtaý basqarmasynyń basshysy Marat Jumanqulov aitty, - dep habarlaidy "Ult aqparat".
Aǵymdaǵy jyldyń 4 tamyzy boiynsha Jambyl oblysynda koronavirýs indetin juqtyrǵandar sany 3863 adamǵa jetti. 100 myń turǵynǵa shaqqanda aýrýshańdyq kórsetkishi 318,4 ainalsa, táýliktik ósim 1,3 paiyzdy (47 jaǵdai) quraǵan.
Densaýlyq saqtaý basqarmasy basshysynyń aitýynsha, tirkelgen jaǵdailardyń ishinde 1589 naýqas simptommen, 2094 naýqas simptomsyz. Búginge deiin infektsiialyq statsionardan 3004 azamat saýyǵyp shyqty.
«Jalpy oblysta koronavirýs indetin emdeý jáne oqshaýlaý sharalaryn uiymdastyrý maqsatynda 2030 tósekqory jasaqtalǵan. Qazirgi tańda infektsiialyq statsionarda – 199 adam emdelýde. Bul oraida tósek-oryn júktemesi 29,7 paiyzdy qurap otyr. Reanimatsiia bóliminde 48 naýqas jatsa, IVL apparatynda jatqandar-12, ottegige qosylǵandar — 93 adam. Provizorlyq statsionarda – 295 emdelýshi jáne úi jaǵdaiyndaǵy karantinde – 1621 adam bar. Aita keteiik, aǵymdaǵy jyldyń 7 aiynda 12869 adam pnevmoniiamen aýyrǵan. Ótken jyldyń tiisti kezeńimen salystyrǵanda ósim 38,1 paiyzdy quraǵanymen, atqarylǵan is-sharalar nátijesinde, sońǵy aptada 28 shilde – 4 tamyz aralyǵynda pnevmoniiadan aýrýshańdyq 2,6 ese tómendedi», - deidi Marat Jumanqulov.
Budan bólek, aimaqta jedel járdem shaqyrtýlar sany táýligine – 1239-di qurap, salystyrmaly túrde 11,4 paiyzǵa kemigen. Onyń ishinde KVI indetimen 2 ese, pnevmoniiamen shaqyrtýlar 2,4 esege tómendegeni belgili bolyp otyr.
Sondai-aq, spiker óńirde meditsinalyq buiymdar men qajetti preparattar jetkilikti ekendigin tilge tiek etti. Qazirgi tańda 69 958 dana kostiýmder, 424 198 dana bir rettik maska, 42 509 respirator, 302 451 bir rettik qolǵap, 230 virýsqa qarsy preparat, 71 847 antiseptik jáne dezinfektsiialyq zattardyń qory bar. Meditsinalyq mekemelerdegi jeke qorǵaný quraldarynyń qory ortasha eseppen 42 kúnge jetkilikti eken.
