Jambyl oblysynda pedofil 20 jyldan asa ýaqytqa sottaldy, - dep habarlaidy kaz.tengrinews.kz tilshisi oblystyq mamandandyrylǵan aýdanaralyq qylmystyq sotynyń baspasóz qyzmetine silteme jasap.
Kámelet jasyna tolmaǵan qyzdy zorlaǵan er adamǵa qatysty qylmystyq sot protsesi aiaqtaldy.
"Is materialdarynan, 2016 jyly 24 sáýirde Jambyl oblysy Shóldala aýylynda qaraýsyz qalǵan úide sottalýshy ishimdik iship otyrǵan. Osydan keiin ol syrtqa shyǵyp, dalada oinap júrgen kámelet jasyna tolmaǵan úsh qyzdy kórgen. Óz oiyn iske asyrý úshin, sottalýshy dúkenge baryp, shokolad pen sýsyn alǵan. Qaityp kelip, kámelet jasyna tolmaǵan qyzǵa shokolad pen sýsyndy berip, aldaý arqyly qaraýsyz úige alyp kirgen", - delingen sot baspasóz qyzmetiniń habarlamasynda.
Osydan keiin er adamnyń qyzǵa pyshaq kórsetip, qorqytyp, artynsha zorlaǵany aitylady. Sotta kúdiktiniń qylmysy dáleldendi.
"Ol QR Qylmystyq kodeksiniń 120-babynyń 4-bóligi jáne 121-babynyń 4-bóligi boiynsha qylmysty jasady dep tanyldy. Sottalýshynyń áreketinde qylmystyq oi bolǵan. Sot oǵan 22 jylǵa bas bostandyǵynan aiyrý jazasyn kesti jáne balalardy tárbieleý jumystarymen ainalysý quqyǵynan aiyrýdy bekitti. Ol jazasyn qatań rejimdegi koloniiada óteitin bolady", - delingen sot úkiminde.
Jazasyn óteý ornynda er adamǵa alkogoldik táýeldilikten májbúrli túrde emdelýdi taǵaiyndady. Sot úkimi zańdy kúshine engen joq.
