Foto: Video skrinshoty
Jambyl oblysyndaǵy Turar Rysqulov aýdanynda ornalasqan Jambyl mektebine emshi kelgen soń birneshe laýazymdy tulǵa qyzmetinen ketti. Bul týraly T.Rysqulov aýdany ákimdigi habarlady.
"T.Rysqulov aýdany Jambyl atyndaǵy mektep ujymynyń qatysýymen is-shara ótkizý faktisi boiynsha Jambyl oblysynyń Bala quqyqtary jónindegi ýákili, bilim berý salasynda sapany qamtamasyz etý departamenti arnaiy tekserý júrgizdi", - delingen habarda.
Oqiǵa ornynda bilim, aqparat jáne qoǵamdyq damý basqarmalary qyzmetkerlerinen quralǵan jumys toby da boldy.
"T. Rysqulov aýdany ákiminiń orynbasary Á. Terlikbaev, Jambyl atyndaǵy mektep direktory E.Zákimbaeva óz ótinishteri boiynsha qyzmetinen bosatyldy.
T. Rysqulov aýdany ishki saiasat bóliminiń basshysy men Tereńózek aýyldyq okrýgi ákimine "qatań sógis" túrindegi tártiptik jaza qoldanyldy", - delingen habarda.
Eske salaiyq, buǵan deiin Jambyl oblysynda mektepke baqsyny shaqyrýǵa muǵalimderden aqsha jinalǵan edi. Oqý-aǵartý ministri Ǵani Beisembaev bul jaitqa qatysty pikir bildirgen bolatyn. Onyń sózinshe, mundai jaǵdailarǵa qatysty bilim mekemelerine qatań eskertý jasalǵan.
