فوتو: ۆيدەو سكرينشوتى
جامبىل وبلىسىنداعى تۇرار رىسقۇلوۆ اۋدانىندا ورنالاسقان جامبىل مەكتەبٸنە ەمشٸ كەلگەن سوڭ بٸرنەشە لاۋازىمدى تۇلعا قىزمەتٸنەن كەتتٸ. بۇل تۋرالى ت.رىسقۇلوۆ اۋدانى ەكٸمدٸگٸ حابارلادى.
"ت.رىسقۇلوۆ اۋدانى جامبىل اتىنداعى مەكتەپ ۇجىمىنىڭ قاتىسۋىمەن ٸس-شارا ٶتكٸزۋ فاكتٸسٸ بويىنشا جامبىل وبلىسىنىڭ بالا قۇقىقتارى جٶنٸندەگٸ ۋەكٸلٸ, بٸلٸم بەرۋ سالاسىندا ساپانى قامتاماسىز ەتۋ دەپارتامەنتٸ ارنايى تەكسەرۋ جٷرگٸزدٸ", - دەلٸنگەن حاباردا.
وقيعا ورنىندا بٸلٸم, اقپارات جەنە قوعامدىق دامۋ باسقارمالارى قىزمەتكەرلەرٸنەن قۇرالعان جۇمىس توبى دا بولدى.
"ت. رىسقۇلوۆ اۋدانى ەكٸمٸنٸڭ ورىنباسارى ە. تەرلٸكباەۆ, جامبىل اتىنداعى مەكتەپ ديرەكتورى ە.زەكٸمباەۆا ٶز ٶتٸنٸشتەرٸ بويىنشا قىزمەتٸنەن بوساتىلدى.
ت. رىسقۇلوۆ اۋدانى ٸشكٸ ساياسات بٶلٸمٸنٸڭ باسشىسى مەن تەرەڭٶزەك اۋىلدىق وكرۋگٸ ەكٸمٸنە "قاتاڭ سٶگٸس" تٷرٸندەگٸ تەرتٸپتٸك جازا قولدانىلدى", - دەلٸنگەن حاباردا.
ەسكە سالايىق, بۇعان دەيٸن جامبىل وبلىسىندا مەكتەپكە باقسىنى شاقىرۋعا مۇعالٸمدەردەن اقشا جينالعان ەدٸ. وقۋ-اعارتۋ مينيسترٸ عاني بەيسەمباەۆ بۇل جايتقا قاتىستى پٸكٸر بٸلدٸرگەن بولاتىن. ونىڭ سٶزٸنشە, مۇنداي جاعدايلارعا قاتىستى بٸلٸم مەكەمەلەرٸنە قاتاڭ ەسكەرتۋ جاسالعان.
