Jambyl oblysynyń aýmaǵynda uzaq ýaqyt boiy qytailyq azamattardyń zańsyz kóshi-qonyn uiymdastyryp kelgen adamdar toby ustaldy. Bul týraly QR Ulttyq qaýipsizdik komitetinen málim etti, dep habarlaidy "Ult aqparat".
Qytaidan migranttardyń zańsyz arnasyn Taraz qalalyq kóshi-qon politsiiasy bóliminiń qyzmetkerleri uiymdastyrǵan. Atap aitqanda, olar - bólimniń burynǵy basshysy A.Zeidaliev jáne onyń orynbasary B.Naýryzbaev. Sondai-aq QHR týmasy Ý. Silambek «deldal» retinde sybailas bolǵan.
«Kórsetilgen adamdar toby jalǵan qujattardy qoldana otyryp, QHR-dyń 170-ten astam azamatyn Jambyl oblysyna tirkegen. Osylaisha, olarǵa Qazaqstanda kedergisiz turýǵa quqyq beretin qujattar bergen», - delingen habarlamada.
2019 jylǵy 5 naýryzda Tarazdyń № 2 qalalyq sotynda qylmystyq is boiynsha úkim jariialandy.
A. Zeidaliev QR QK-niń 361-baby 4.4 3-t. («Aýyr saldarlarǵa ákep soqqan laýazymdyq ýákilettilikti teris paidalaný»), 394-baby 4.2 («Adamdar tobynyń aldyn ala sóz bailasyp zańsyz kóshi-qon uiymdastyrýy») boiynsha kináli dep tanyldy. Ol 4 jyl 6 aiǵa bas bostandyǵynan aiyryldy. Jazasyn ortasha qaýipsizdiktegi túzeý mekemesinde óteidi.
B. Naýryzbaev QR QK-niń 361-baby 4-bóligi 3-tarmaǵy, 394-baby 2-bóligi boiynsha kináli dep tanyldy. Ony 3 jyl 6 aiǵa bas bostandyǵynan aiyrýǵa úkim etildi. Jazasyn ortasha qaýipsizdiktegi túzeý mekemesinde óteidi.
Ý. Silambek QR QK 394-baby 2-bóligi boiynsha kináli dep tanylyp, 4 jylǵa ortasha qaýipsizdiktegi túzeý mekmesinde jazasyn óteýmen bas bostandyǵynan aiyryldy.
Sottalǵan B. Naýryzbaev pen Ý. Silambek úkim jariialanǵannan keiin sot zalynda qamaýǵa alyndy. A. Zeidalievke qatysty «qamaýǵa alý» túrindegi bultartpaý sharasy buǵan deiin qoldanylǵan bolatyn.
Qazirgi ýaqytta QHR azamattaryna berilgen QR aýmaǵynda turýǵa qatysty qujattardyń kúshin joiý máselesi sheshilýde.
