Jambyl politseileri Qazaqstan Respýblikasynyń aýmaǵynda quqyqtyq mártebesi joq 172 adamdy anyqtady,- dep habarlaidy "Ult aqparat".
«Ýchastok» jedel-aldyn alý is-sharasy jáne QR IIM nusqaýlaryn oryndaý aiasynda jergilikti politsiia qyzmetiniń jáne kóshi-qon basqarmasynyń qyzmetkerleri birqatar jumys júrgizdi. Qazaqstan Respýblikasynyń aýmaǵynda turatyn jeke basyn kýálandyratyn qujattarynsyz nemese 1974 jylǵy úlgidegi KSRO pasportyn ýaqtyly aýystyrmaǵan adamdardy anyqtaýǵa baǵyttalǵan-dy. Bul týraly oblystyq Politsiia departamentiniń baspasóz qyzmeti habarlady.
Máselen, aýlalardy aralaý jáne el aýmaǵyndaǵy Qazaqstan Respýblikasynyń azamattary bolyp tabylmaityn jáne óziniń ózge memlekettiń azamattyǵyna qatystylyǵynyń dáleli joq adamdardyń quqyqtyq mártebesin aiqyndaýǵa baǵyttalǵan ózge de sharalar barysynda 172 adam anyqtaldy. Onyń ishinde 33 tulǵa KSRO pasporty boiynsha, 68-i basqa qujattar boiynsha, 22-si qujattary joq, 30-y shet memlekettiń azamattyǵynan shyǵýyna bailanysty azamattyǵy joq dep tanylǵan tulǵa retinde anyqtalǵan»,-delingen vedomstvo habarlamasynda.
Bul jumystardyń barysy Jambyl oblysy PD basshylyǵynyń turaqty baqylaýynda.
