1 sáýirde Jambyl oblysynda koronavirýs juqtyrýdyń jańa eki jaǵdaiy tirkelgen. Búginde naýqastardyń dertti qalai juqtyrǵany málim boldy, dep habarlaidy coronavirus2020.kz.
Olardyń bireýi — Taraz qalasynyń 41 jastaǵy turǵyny. «Qyzylorda-Petropavl» baǵytyndaǵy poiyzda Túrkistan oblysynyń turǵynymen bailanysta bolǵan.
Onyń Túrkistan oblysyna oralǵan kezde indet juqtyrǵany belgili bolǵan edi.
Olarmen bailanysta bolǵan 8 adam karantin bólimshesine jatqyzyldy. Koronavirýs infektsiiasyna taldaý alyndy.
Sonymen qatar, «Qyzylorda-Petropavl» poiyzynda Túrkistan oblysynyń atalǵan turǵynymen bailanysta bolǵan 7 jolaýshy karantinge jatqyzyldy. Olardyń qan taldaýy teris nátije kórsetti.
Ekinshi naýqas — 1991 jylǵy Jambyl oblysynyń turǵyny. Ol 30 naýryzda óńirge Resei Federatsiiasynan kelgen.
Kelgen kezde tártip boiynsha karantin statsionaryna jatqyzyldy. Synamasy oń nátije kórsetkennen keiin infektsiialyq statsionarǵa aýystyryldy.
Eki naýqastyń da jaǵdaiy qanaǵattanarlyq, aýrýy jeńil túrde ótip jatyr, hattamaǵa sáikes qajetti em alyp jatyr.
Sanitarlyq-epidemiialyq qyzmetter olardyń turǵan jerleri men bolǵan oryndaryndaǵy oshaqtarda dezinfektsiia jumystaryn júrgizdi.
