Qatty jel men jańbyr saldarynan Qordai aýdanynda bolǵan jaǵdaidy zerdeleý maqsatynda jumysshy top aýyldyq okrýgterdi aralap júr, dep habarlaidy "Ult aqparat" Kazinform saityna silteme jasap.
Taýly jerlerde kólbeý sý aǵyny oryn aldy. Degenmen, jeke aýla aýmaqtaryn, turǵyn úilerdi sý basý faktileri tirkelmedi.
"Tabiǵi sipattaǵy qatty daýyl saldarynan aýdandyq ortalyq aýrýhanaǵa 3 azamat qaiyryldy. 1 naýqastyń jaǵdaiy aýyr, ekeýi úiine qaitaryldy. «Bereke» sharýa qojalyǵynyń 671 bas usaq maly men 10 bas jylqysy sýǵa aǵyp ketkeni boiynsha aqparat rastalmady. Qazirgi tańda aǵyn sý saldarynan 6 bas eshki, 1 qoi, 1 buzaýdyń óleksesi anyqtaldy. 10-15 úi men qora jaidyń shatyrlary ushqan. Mal shyǵyndary qosymsha zerdelenip jatyr. Soǵandy aýylynda jeldiń jyldamdyǵy 45 m/s deiin jetken. Aǵyn sý saldarynan «Soǵandy-Betqainar» avtojolyndaǵy kópir búlingen. Jergilikti atqarýshy organdar men politsiia qyzmetiniń kúshimen beket qoiylyp, jol júrý qamtamasyz etildi. Qazirgi tańda kópirdi qalpyna keltirý jumystary júrgizilip jatyr. Shuǵyl arada smetalyq qujattama ázirlenetin bolady. Soǵandy aýyly boiynsha 15 turǵyn úi jáne qora jailardyń ushyp ketken shatyrlaryn, «Beeline» uialy bailanysynyń munarasyn qaita qalpyna keltirý jumystary júrgizilip jatyr", – dedi Qordai aýdany ákimdiginiń baspasóz qyzmeti.
Sondai-aq, baspasóz qyzmetiniń bergen málimetterine súiensek, Soǵandy aýylynda quramynda 15 adam, 2 tehnika bar 3 brigada elektr jelilerin qosý úshin jumys atqaryp jatyr.
Aýdandyq «QazTransGazAimaq» synǵan gaz qubyrlaryn qalpyna keltirý jumystaryn júrgizýde. Al Beriktas aýylynda elektr jelilerin qosý úshin 2 brigada jumyldyrylsa, gaz qubyrlaryn qalpyna keltirý úshin 4 brigada eńbek etýde.
Gazǵa, elektr qýatyna qosý jumystary búgin aiaqtalmaq.
Qordai aýdanyndaǵy jaǵdai Jambyl oblysy ákiminiń tikelei baqylaýynda.
