14 sáýir kúni Jambyl oblysynda koronavirýsty juqtyrýdyń jańadan úsh oqiǵasy anyqtaldy. Olardyń úsheýi de buǵan deiin naýqastarmen bailanysta bolǵany úshin karantindik statsionarǵa alynǵandar, dep habarlandy oblys ákimdigiginiń resmi saitynda.
Naýqastardyń biri – 1965 jyly týǵan Qordai aýdanynyń turǵyny. Ol 10 sáýir kúni karantinge ornalastyrylǵan. Alynǵan zerthanalyq taldaýlar qorytyndysy COVID-2019 infektsiiasyn rastady.
Sondai-aq, karantindik statsionarda jatqan Jambyl aýdanynyń 1999 jáne 1970 jyly týǵan eki turǵynynyń da taldaýlary oń nátije kórsetti.
«Indet anyqtalǵannan keiin naýqastar em alý úshin infektsiialyq statsionarǵa jetkizildi.
Baiqanysta bolǵan tulǵalardy jáne juqtyrý qaýpi boiynsha mártebesin anyqtaý jumystary júrgizilýde. Oshaqtarda epidemiiaǵa qarsy is-sharalar atqaryldy», - delingen aqparatta.
Jalpy oblys boiynsha koronavirýs juqtyrýdyń 49 oqiǵasy tirkelgen. Onyń 6-aýy Deliden ushyp kelgen jolaýshylardan anyqtaldy. Sondai-aq, Taraz qalasynda 6 oqiǵa, Qordai aýdanynda – 30, Jambyl oblysynda – 3, Merki aýdanynda – 2, Shý jáne Moiynqum aýdandarynda – bir-bireýden tirkelgen.
