Foto: sputnik.kz
Jambyl oblysynda iesiz itterdiń turǵyndarǵa shabýyly jiiledi. Demalys kúnderi qańǵyǵan itter talap tastaǵan eki adam aýrýhanaǵa jetkizilgen, dep habarlaidy KTK.
Aisha bibi aýyly mańynan ótip bara jatqan jolaýshylar 20 jastaǵy múmkindigi shekteýli qyzdy itter talap jatqan jerinen qutqaryp qaldy. Olar bir top itten janushyra qashqan qyzdy kórip kómekke umtylypty. Al keshe qala mańyndaǵy Baryshan alqabynda mektep oqýshysyn qańǵyǵan itter qapqan. Jetkinshekti kórshileri qutqaryp qalǵan. Zardap shekkenderge alǵashqy meditsinalyq kómek kórsetilip, úiine jiberildi.
Al oblystyq veterinariia basqarmasy itter shabýyldaǵan eki aimaqqa da arnaiy brigada jiberilip, júzge jýyq ittiń kózin joidyq deidi. Biyl jedel jelige mamandardan kómek suraǵan myńǵa jýyq qońyraý túsken. Oblysta biyl eki jarym myńnan astam iesiz it aýlanypty.
"Tek qańǵybas it qana emes, jer úidegilerdiń de iti bar. Egesi bar itter. Kóbinese bailanbaidy. Qalai bolsa solai ustaǵannan keiin osyndai itter kóbeiip jatyr. Salystyrmaly túrde alyp kórsek, zardap shekken adamdardyń jartysynan kóbisin iesi bar it talaǵan", - deidi Jambyl oblysy veterinariia stantsiiasy direktorynyń mindetin atqarýshy Ǵabit Kebeev.
