فوتو: sputnik.kz
جامبىل وبلىسىندا يەسٸز يتتەردٸڭ تۇرعىندارعا شابۋىلى جيٸلەدٸ. دەمالىس كٷندەرٸ قاڭعىعان يتتەر تالاپ تاستاعان ەكٸ ادام اۋرۋحاناعا جەتكٸزٸلگەن, دەپ حابارلايدى كتك.
ايشا بيبٸ اۋىلى ماڭىنان ٶتٸپ بارا جاتقان جولاۋشىلار 20 جاستاعى مٷمكٸندٸگٸ شەكتەۋلٸ قىزدى يتتەر تالاپ جاتقان جەرٸنەن قۇتقارىپ قالدى. ولار بٸر توپ يتتەن جانۇشىرا قاشقان قىزدى كٶرٸپ كٶمەككە ۇمتىلىپتى. ال كەشە قالا ماڭىنداعى بارىسحان القابىندا مەكتەپ وقۋشىسىن قاڭعىعان يتتەر قاپقان. جەتكٸنشەكتٸ كٶرشٸلەرٸ قۇتقارىپ قالعان. زارداپ شەككەندەرگە العاشقى مەديتسينالىق كٶمەك كٶرسەتٸلٸپ, ٷيٸنە جٸبەرٸلدٸ.
ال وبلىستىق ۆەتەرينارييا باسقارماسى يتتەر شابۋىلداعان ەكٸ ايماققا دا ارنايى بريگادا جٸبەرٸلٸپ, جٷزگە جۋىق يتتٸڭ كٶزٸن جويدىق دەيدٸ. بيىل جەدەل جەلٸگە مامانداردان كٶمەك سۇراعان مىڭعا جۋىق قوڭىراۋ تٷسكەن. وبلىستا بيىل ەكٸ جارىم مىڭنان استام يەسٸز يت اۋلانىپتى.
"تەك قاڭعىباس يت قانا ەمەس, جەر ٷيدەگٸلەردٸڭ دە يتٸ بار. ەگەسٸ بار يتتەر. كٶبٸنەسە بايلانبايدى. قالاي بولسا سولاي ۇستاعاننان كەيٸن وسىنداي يتتەر كٶبەيٸپ جاتىر. سالىستىرمالى تٷردە الىپ كٶرسەك, زارداپ شەككەن ادامداردىڭ جارتىسىنان كٶبٸسٸن يەسٸ بار يت تالاعان", - دەيدٸ جامبىل وبلىسى ۆەتەرينارييا ستانتسيياسى ديرەكتورىنىڭ مٸندەتٸن اتقارۋشى عابيت كەبەەۆ.
