Foto: Polisia.kz
Jambyl politseileri Almatydan kólik urlaǵan azamatty qolǵa túsirdi, – dep habarlaidy Polisia.kz portaly.
"24 qańtar Jambyl oblysy patrýldik politsiia batalonynyń qyzmetkerleri Almatydan Toyota Camry avtokóligin urlap, Shymkent qalasy baǵytynda kele jatqan kúdiktini ustaý týraly baǵdar aldy.
PD patrýldik politsiia batalony vzvodynyń qyzmetkerleri Batys Eýropa – Batys Qytai respýblikalyq mańyzy bar avtojolynyń 240-shaqyrymynda qyzmet ótkerý kezinde atalǵan avtokólikti baiqap, ony toqtatý jáne ustaý úshin sharalar qabyldady.
Tekserý barysynda júrgizýshiniń kólik quralyn basqarýǵa tiisti qujattary joq ekendigi jáne izdeýdegi urlanǵan avtokólik retinde tirkelgeni anyqtaldy" - delingen habarlamada.
Atalǵan kóliktiń salonynda júrgizýshiden basqa taǵy 2 jolaýshy bolǵan. Kólik urlaǵannan keiin ol aqsha tabýǵa sheshim qabyldap, jolda eki jolaýshyny otyrǵyzǵan.
"Ustalǵan jerge tez arada Qordai aýdandyq politsiia bóliminiń jedel-tergeý toby keldi. Qazirgi ýaqytta kúdikti Almaty qalasy Bostandyq aýdany PB áriptesterine odan ári anyqtaý maqsatynda berildi" - delingen media-portal málimetinde.
