Foto: Polisia.kz
Jambyl oblysynda jezóksheler úiin uiymdastyryp, jeńgetailyqpen ainalysqan kúdiktiniń isi áshkere boldy, – dep habarlaidy "Ult aqparat" Polisia.kz saityna silteme jasap.
Jambyl oblysy PD uiymdasqan qylmysqa qarsy kúres basqarmasynyń qyzmetkerleri “Stop trafik” jedel aldyn alý is-sharasy sheńberinde jedel aqparatty júzege asyrý barysynda klientterge aqsha úshin qyzdardyń intimdik qyzmeti usynylǵan kafeni anyqtaǵan.
"Zańsyz qyzmetti uiymdastyrdy degen kúdikpen oiyn-saýyq mekemesiniń ákimshisi ustaldy.
50 jastaǵy áielge qatysty QR Qylmystyq kodeksiniń 309-baby 1-bóligi (Jezókshelikpen ainalysýǵa arnalǵan pritondar uiymdastyrý nemese olardy ustaý jáne jeńgetailyq) boiynsha sotqa deiingi tergeý amaldary bastaldy.
Ustalǵan adam óz kinásin tolyǵymen moiyndady, qazirgi ýaqytta kelý týraly mindettememen bosatyldy. Qolma-qol aqsha jáne telefon túrindegi zattai dáleldemeler alyndy" - delingen habarlamada.
