Foto: «Peterbýrgskii dnevnik»
Jambyl oblysynda aýyz sýdyń sapasyn jaqsartýǵa bólingen qarjyny jymqyrǵany úshin birqatar sheneýnik sottaldy, dep habarlaidy "Ult aqparat" oblystyq prokýratýranyń baspasóz qyzmetine silteme jasap.
Vedomstvo málimetinshe, Qordai aýdanynyń prokýratýrasy «Qordai aýdany ákimdiginiń turǵyn úi-kommýnaldyq sharýashylyq, jolaýshylar kóligi jáne avtomobil joldary bólimi» KMM eks-basshysynyń 6,5 million teńge urlaý deregin anyqtaǵan.
Is materialdarynan belgili bolǵandai, Sarybastaý aýylynda turǵyn úi-kommýnaldyq sharýashylyq bóliminiń burynǵy basshysy "M", «Qordai sý» MKK direktory "K" jáne kásipker "E" qujattar boiynsha quny 12,3 million teńgeni quraityn sý munarasyn salýy tiis bolǵan.
"Alaida nysandy egjei-tegjeili taldaý jáne vizýaldy qaraý sý munarasynyń shyn máninde salynbaǵanyn kórsetti. Nátijesinde, tergeý barysynda taraptar 6,5 million teńgeni iemdenip, ózara bólisip, aýyl turǵyndaryn ózdiginen aǵyp jatqan sýdy paidalanýyna qaldyrǵany belgili boldy.
Atalǵan derek boiynsha aýdan prokýratýrasy QK-tiń 189-baby 3-bóligi 1,2-tarmaqtary boiynsha qylmystyq is qozǵap, tergeý amaldary Jambyl oblysy prokýratýrasynyń arnaiy prokýrorlaryna berildi. Tergeý aiaqtalǵannan keiin, qylmystyq is sotqa joldandy.
Qordai aýdandyq sotynyń 2023 jyldyń 18 shildesindegi úkimimen azamat "M" QK-tiń 189-baby 3-bóligi 1,2-tarmaqtary boiynsha kináli dep tanylyp, 8 jylǵa bas bostandyǵynan aiyryldy.
Kásipker "E" QK-tiń 28-baby 5-bóligi - 189-baby 3-bóligi 1,2-tarmaqtary boiynsha kináli dep tanyldy jáne oǵan 3 jyl 6 aiǵa bas bostandyǵynan aiyrý túrindegi jaza taǵaiyndaldy" - delingen habarlamada.
Zańsyz igerilgen aqsha tolyǵymen memleketke qaitaryldy.
Úkim zańdy kúshine engen joq.
