Jambyl oblysyndaǵy aýyldardyń biriniń burynǵy ákimi 10 mln teńge jymqyrǵany úshin sottaldy, dep habarlaidy "Ult aqparat" QR Qarjylyq monitoring agenttigine silteme jasap.
«Biýdjet qarjysyn urlaý – eldiń ekonomikalyq qaýipsizdigine tóngen qater. Biýdjet qarjysynyń iri kólemde jymqyrylý jaǵdaiy kóbine memlekettik satyp alýmen bailanysty. Aram piǵyldy merdigerler kei jaǵdaida memlekettik mekeme basshylarynyń olardyń áreketine degen nemqurailylyǵyn paidalanyp, keide tipti olarmen sóz bailasa otyryp, túrli qylmystyq joldarmen jeke bas bailyǵy úshin memleket qazynasyn tonap jatady. Osyndai jaǵdailardyń birin Jambyl oblystyq ekonomikalyq tergeý departamentiniń ókilderi anyqtady», - delingen habarlamada.
Baizaq aýdany Báiterek aýylynyń ákimi «Sáýlet-2012» JShS-men sybailasyp, Sarykemer aýylyn jaryqtandyrýǵa bólingen qarjydan 10 mln teńge jymqyrǵan.
Bul rette taraptar jalǵan málimetterdi keltire otyryp, qabyldaý-ótkizý aktisin jasaǵan, al atqarylýy tiis jumystar oryndalmaǵan.
«Kináli adamdar jaýapqa tartyldy», - delingen habarlamada.
