Foto: ashyq derekkóz
Jambyl oblysynyń Baizaq aýdanynda aliment tóleýden qasaqana jaltarǵan azamatqa qatysty sot úkimi shyqty, dep habarlaidy Ult.kz.
2024 jyldyń 2 qyrkúieginde Baizaq aýdany prokýratýrasy 7 jyl boiy aliment tólemegen «N» azamatyna qatysty Qylmystyq kodekstiń 139-baby boiynsha sotqa deiingi tergep-tekserý bastady.
Azamat 2018 jyldan beri aliment tólemegen jáne onyń bereshegi 12,6 million teńgege jetken. Aliment tóleýge tolyq múmkindigi bola tura, ol óz mindetterin oryndamaǵan.
2025 jyldyń 25 sáýirinde Jambyl oblysynyń kámeletke tolmaǵandar isteri jónindegi mamandandyrylǵan aýdanaralyq soty boryshkerdi kináli dep taýyp, 1 jyl merzimge bas bostandyǵyn shekteý týraly úkim shyǵardy.
Úkim áli zańdy kúshine enbedi.
