Jambyl oblysynda latyn grafikasyna negizdelgen qazaq álipbiiniń mańyzy men jańa emle-erejeleriniń mazmunyn túsindirý jumystary bastaldy.
Qazaqstan Respýblikasy Mádeniet jáne sport ministrliginiń Til saiasaty komiteti men Shaisultan Shaiahmetov atyndaǵy "Til-Qazyna" ulttyq ǵylymi-praktikalyq ortalyǵy Jambyl oblysy ákimdigimen birlesip respýblikalyq aptalyq aiasynda ústimizdegi jyldyń 24-28 maýsym aralyǵynda Taraz qalasynda jáne Asa, Sarykemer kentterinde aqparattyq-nasihattaý respýblikalyq aptalyǵyn ótkizedi. Bul týraly Qazaqstan Respýblikasy Mádeneit jáne sport ministrligi Til saiasaty komitetiniń tóraǵasy Ǵalymjan Meldeshov brifing barysynda aitty.
- Taraz qalasy jáne Jambyl, Baizaq aýdandarynyń memlekettik qyzmetshilerge, muǵalimderge, jastar men oqýshylarǵa, jalpy kópshilikke jáne respýblikanyń ár óńirinen kelgen til mamandaryna qazaq álipbiiniń mańyzy men jańa emle-erejeleriniń mazmunyn túsindirý, ulttyq jazýdyń bolashaǵy týraly aqparat berý maqsatynda 24-28 maýsym aralyǵynda aptalyq uiymdastyrp otyrmyz. Aqparattyq kezdesýler men dáristerge, seminarlarǵa qoǵamnyń ár túrli áleýmettik toptary qatysady, - dedi ol.
Aptalyq 24-maýsymda Taraz qalasynda Yqylas Dúkenuly atyndaǵy mádeniet úiindegi aýqymdy sharamen ashyldy. Bul sharaǵa QR Parlamentiniń depýtattary, qoǵam qairatkerleri, jazýshylar, ǵalymdar, ádiskerler jáne kópshilik qaýym qatysty. Jiyn barysynda memlekettik tildiń mártebesi, qazaq tiliniń latyn álipbiine kóshýi siiaqty irgeli máseleler aitylady.
Sondai-aq, aptalyq aiasynda kitap kórmesi uiymdastyryldy. Onda ádistemelik quraldar men ádistemelik sabaqtardy nasihattaýǵa arnalǵan kitap,aýdio-video sabaqtar qoiylǵan.Kórmege Qalalyq kitaphana, M.Dýlati atyndaǵy TarMÝ, TarMPÝ, Til-Qazyna ulttyq ǵylmi-praktikalyq ortalyǵynda shyqqan kitaptar qoiyldy.
Aita keteiik, aqparattyq jumystar 25-maýsymda Asa kentinde jáne 27-maýsymda Sarykemer kentinde aqparattyq-nasihat toby memlekettik qyzmetshilerge, muǵalimderge jáne aýdan jurtshylyǵyna qoǵamdyq dárister júrgizedi. 26-maýsymda Taraz qalasynda bilim, densaýlyq saqtaý qyzmetkerlerine, oqýshylarǵa jáne etnos ókilderine «Qazaq tiliniń damýy – ulttyń damýy» taqyrybynda dárister uiymdastyrylady. Osyndai dáris 27-maýsymda prokýratýra qyzmetkerlerine de júrgiziledi. Qoǵamdyq dáristerde memlekettik tildiń qoldanys aiasyn keńeitý, jańa álipbige kóshý jumystarynyń barysy jóninde jalpy kópshilikke tolyq maǵlumattar beriledi. 27-maýsymda M.Dýlati atyndaǵy Taraz memlekettik jáne Taraz pedagogikalyq ýniversitetterinde Nur-Sultan, Almaty qalalarynan kelgen ǵalymdar respýblikadan shaqyrylǵan jáne jergilikti ádiskerler men muǵalimderge jańa álipbi, onyń emle erejeleri jóninde ádistemelik seminarlar júrgizedi. 28-maýsymda jańa álipbige bailanysty respýblikalyq jáne óńirlik sharalardy úilestirý boiynsha seminar-keńes uiymdastyrylady.
Respýblikalyq aptalyqtyń jumysyn qorytyndylaý sharasy 28-maýsymda ótedi. Onda úzdik kabinet, mańdaisha, sabaq, ádisker nominatsiialary boiynsha jáne aptalyqtyń ótýine atsalysqan qyzmetkerlerdi marapattalady.
