Foto: ashyq derekkóz
Jambyl oblysynda ákesi men balasy asa iri mólsherdegi esirtki zattaryn ótkizýge bailanysty 7 jylǵa bas bostandyǵynan aiyryldy, dep habarlaidy Ult.kz.
Tergeý málimetinshe, 2024 jyldyń kúzinde «Ý» jáne «T» esimdi azamattar 12,7 kg «gashish» pen 185 kg «keptirilgen marihýanany» ótkizý maqsatynda T.Rysqulov aýdanyndaǵy sharýa qojalyq aýmaǵyna jasyrǵan.
2024 jylǵy 1 jeltoqsanda Ulttyq qaýipsizdik komitetiniń oblystyq departamenti jedel is-shara barysynda kúdiktilerdi 1 mln teńgege «gashish» satpaq bolǵan sátinde ustady. Sonymen qatar olardyń sharýashylyǵynan 13 qapqa salynǵan, jalpy salmaǵy 185 kg marihýana tárkilendi.
2025 jylǵy 23 shildede Jambyl oblysynyń qylmystyq ister jónindegi mamandandyrylǵan aýdanaralyq soty eki azamatty Qylmystyq kodekstiń 297-baby 3-bóligi 1 jáne 3-tarmaqtary boiynsha kináli dep tanydy.
Sot úkimi zańdy kúshine engen joq. Prokýratýra esirtki saýdasy úshin 5 jyldan 20 jylǵa deiin nemese ómir boiyna bas bostandyǵynan aiyrý jazasy qarastyrylǵanyn eskertedi.
