Jambyldyq politseiler jaz mezgili bastalǵaly 35 tonnadan astam jabaiy qarasorany joidy, - dep habarlaidy "Ult aqparat".
1 maýsymynan bastap keń aýqymdy «Qarasora-2021» jedel-aldyn alý is-sharasy ótip jatyr. Soǵan orai, óńirde esirtkiniń zańsyz ainalymyna qarsy is-qimyl jónindegi is-sharalar josparyn oryndaý sheńberinde esirtkiniń joiýǵa qatysty kóshpeli komissiia qurylǵan bolatyn.
«17 tamyzda «Qarasora-2021» respýblikalyq jedel-aldyn alý is-sharasy barysynda Jambyl oblysynyń Politsiia departamenti Esirtki qylmysyna qarsy is-qimyl basqarmasynyń qyzmetkerleri Merki aýdanynyń qumǵa jaqyn aýmaǵynda 5,5 gektar alqapty shaýyp, keiinnen órteý arqyly 5 tonna 102 keli jabaiy qarasorany joidy», - delingen politsiia departamenti baspasóz qyzmetiniń habarlamasynda.
Sondai-aq, habarlamada, profilaktikalyq is-shara bastalǵannan beri barlyǵy 35 tonnadan astam jabaiy qarasora joiylǵandyǵy jazylǵan.
