جامبىلدىق پوليتسەيلەر جاز مەزگٸلٸ باستالعالى 35 توننادان استام جابايى قاراسورانى جويدى, - دەپ حابارلايدى "ۇلت اقپارات".
1 ماۋسىمىنان باستاپ كەڭ اۋقىمدى «قاراسورا-2021» جەدەل-الدىن الۋ ٸس-شاراسى ٶتٸپ جاتىر. سوعان وراي, ٶڭٸردە ەسٸرتكٸنٸڭ زاڭسىز اينالىمىنا قارسى ٸس-قيمىل جٶنٸندەگٸ ٸس-شارالار جوسپارىن ورىنداۋ شەڭبەرٸندە ەسٸرتكٸنٸڭ جويۋعا قاتىستى كٶشپەلٸ كوميسسييا قۇرىلعان بولاتىن.
«17 تامىزدا «قاراسورا-2021» رەسپۋبليكالىق جەدەل-الدىن الۋ ٸس-شاراسى بارىسىندا جامبىل وبلىسىنىڭ پوليتسييا دەپارتامەنتٸ ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ مەركٸ اۋدانىنىڭ قۇمعا جاقىن اۋماعىندا 5,5 گەكتار القاپتى شاۋىپ, كەيٸننەن ٶرتەۋ ارقىلى 5 توننا 102 كەلٸ جابايى قاراسورانى جويدى», - دەلٸنگەن پوليتسييا دەپارتامەنتٸ باسپاسٶز قىزمەتٸنٸڭ حابارلاماسىندا.
سونداي-اق, حابارلامادا, پروفيلاكتيكالىق ٸس-شارا باستالعاننان بەرٸ بارلىعى 35 توننادان استام جابايى قاراسورا جويىلعاندىعى جازىلعان.
