Jambyl oblysyna Tatarstannan bir top dárigerler keldi. Olardyń maqsaty - meditsinalyq kómek kórsetý, koronavirýs infektsiiasy men pnevmoniiany emdeý boiynsha tájiribe almasý, dep habarlaidy "Ult aqparat".
Tatarstan dárigerleri otyrǵan ushaq keshe keshke Tarazdyń Áýlie-Ata halyqaralyq áýejaiyna kelip qondy. Delegatsiiany oblystyq densaýlyq saqtaý basqarmasynyń basshysy Marat Jumanqulov jáne «Taraz» ÁKK»UK» AQ basqarma tóraǵasy Oljas Karjaýov kútip aldy.
Kelgen dárigerlerdiń qatarynda dáriger-infektsionist, anesteziolog-reanimatolog, epidemiolog jáne ambýlatoriialyq-emhanalyq qyzmettiń mamandary bar.
Búgingi kúni óńirde koronavirýstyq infektsiiamen jáne pnevmoniiamen syrqattanýshylyq jaǵdaiynyń turaqtaný úrdisi baiqalǵanyna qaramastan, sheteldik áriptesterdiń tájiribesi de óz nátijesin beredi dep kútilýde.
Marat Jumanqulovtyń aitýynsha, Tatarstannan kelgen mamandar koronavirýs pen pnevmoniia aimaǵyndaǵy emdeý hattamalarymen tanysyp, jergilikti dárigerlerge konsýltatsiialyq jáne ádistemelik kómek kórsetpek.
- Kelgenderdiń barlyǵy joǵary sanattaǵy bilikti mamandar. Olar oblystyq densaýlyq saqtaý júiesiniń, koronavirýs jáne pnevmoniiamen aýyratyn naýqastardy emdeýmen ainalysatyn uiymdardyń jumysymen tanysatyn bolady. Bul aýrýhanalardan bólek emhanalyq nysandarǵa, ortalyq aýdandyq aýrýhanalarǵa da barýy josparlanǵan. Resei Federatsiiasynda kovidti emdeýdiń jaqsy tájiribesi qalyptasty. Meniń oiymsha, reseilik mamandardyń kelýi bizge keibir máselelerdi qaita qarap, osy baǵyttaǵy jumystardy jaqsarta túsýge múmkindik beredi, - dedi M. Jumanqulov.
- Bul eki jaqty sapar. Biz bireýge birdeńe úiretý úshin emes, koronavirýstyq infektsiiany emdeýdegi tájiribelerimizdi salystyrý, aýyr naýqastardy kútý modeli, meditsinalyq kómek kórsetý qurylymynyń qalai uiymdastyrylǵanyn kórý, óz tájiribemizdiń tiimdi tustarymen bólisý maqsatynda keldik, - dedi Tatarstan Respýblikasy Densaýlyq saqtaý ministrliginiń Respýblikalyq klinikalyq onkologiialyq dispanseriniń anesteziolog-reanimatology Aleksandr Vaniýshin.
Al, Oljas Qarjaýovtyń aitýynsha, Tatarstan Respýblikasy basshylyǵymen dárigerler arasynda ǵana emes, sonymen qatar eki eldiń biznes ókilderi arasynda da ekijaqty yntymaqtastyq týraly kelisim ornatylǵan.
- Ázirge pandemiiaǵa bailanysty bul kelisim tolyǵymen júzege aspai otyr. Bolashaqta karantin aiaqtalyp, álemdegi jaǵdai turaqtanǵan kezde biz Tatarstanǵa tájiribe almasý maqsatynda jambyldyq kásipkerlerdi, onyń ishinde farmatsevtikalyq kompaniialardyń ókilderin, dárihanalar jelisiniń ielerin jáne taǵy basqalardy jiberýge niettenip otyrmyz, - dep túsindirdi O.Qarjaýov.
Aita ketý kerek, bul shara oblys ákimi Berdibek Saparbaevtyń Tatarstan Prezidenti Rýstam Minnihanovpen kelisimi boiynsha Resei Federatsiiasyndaǵy Qazaqstan Elshiliginiń jáne memleket qairatkeri Imanǵali Tasmaǵambetovtiń qoldaýymen uiymdastyrylǵan.
