Jambyl oblysynda oryn alǵan tótenshe jaǵdaiǵa bailanysty kómekke shymkenttik qutqarýshylar attandy. Bul týraly qalalyq TJD resmi málimet taratty.
Departamenttiń málimetinshe, tótenshe jaǵdaiǵa bailanysty Shymkentten 8 tehnika men 33 adam jóneltilgen.
«Shymkent q. «ÓSjAQJQ« MM – 7 tehnika (onyń ishinde 1 tehnika qyzmettik mashina, 5 tehnika avtotsisterna jáne 1 tehnika KAMaz-43 114 NEFAZ) jáne 29 adam attanyp ketti. Apattar meditsinasy ortalyǵynyń filialy – 1 tehnika jáne 3 adam jóneltildi. Shymkent qalasy TJD kúshteri men quraldary oqiǵa ornyna jetip, qazirgi tańda Jambyl oblysy Baizaq aýylyndaǵy Sydyq Ablanov atyndaǵy mekteptiń janynda qyzmet istep jatyr» delingen Shymkent qalalyq TJD qoǵammen bailanys tobynyń habarlamasynda.
