Jambyl oblysynda 72 jastaǵy qariia koronavirýstan saýyǵyp shyqty,- dep habarlaidy "Ult aqparat".
Taraz qalasynyń 72 jastaǵy turǵyny Qarataý qalasynda turatyn ulyna qonaqqa kelgen. Koronavirýs infektsiiasynyń belgileri birer kúnnen soń-aq aiqyn biline bastaidy. Dene qyzýy joǵary kóterilip, tamaqqa tábeti bolmai, álsizdenip jaǵdaiy nasharlai bergen.
Naýqas Talas aýdandyq ortalyq aýrýhanasynyń provizorlyq statsionaryna shuǵyl túrde jatqyzylady. Onymen qosa, patsienttiń qant diabeti, arteriialyq gipertenziia, pankreatit syndy qosalqy sozylmaly aýrýlary bolǵan. Júrgizilgen emnen soń da densaýlyǵy jaqsarmaǵandyqtan, aqyry ol jansaqtaý bólimine aýystyrylady.
Dárigerlerdiń jeldel júrgizilgen emdik sharalary men dári-dármektiń arqasynda qariia biraz ýaqyttan soń jazylyp shyqty.
«Bul jaǵdaidy bastan ótkizbei, eshkim túsine almaidy. Aýrýdyń bar ekenine senbei júrgen azamattarǵa aitarym: salǵyrttyq tanytpańyzdar. Ózińizdi oilamasańyz da, basqalarǵa ziianyńyz timesin. Men kórgen qiyndyqty eshkimniń basyna salmasyn dep tileimin. Eń mańyzdysy – betperde taǵyp júrý kerek. Ózimniń atymnan barlyq dárigerler men meiirbekelerge, sheksiz rizashylyǵym men alǵys bildiremin» - deidi ol.
