جامبىل وبلىسىندا 72 جاستاعى قارييا كوروناۆيرۋستان ساۋىعىپ شىقتى,- دەپ حابارلايدى "ۇلت اقپارات".
تاراز قالاسىنىڭ 72 جاستاعى تۇرعىنى قاراتاۋ قالاسىندا تۇراتىن ۇلىنا قوناققا كەلگەن. كوروناۆيرۋس ينفەكتسيياسىنىڭ بەلگٸلەرٸ بٸرەر كٷننەن سوڭ-اق ايقىن بٸلٸنە باستايدى. دەنە قىزۋى جوعارى كٶتەرٸلٸپ, تاماققا تەبەتٸ بولماي, ەلسٸزدەنٸپ جاعدايى ناشارلاي بەرگەن.
ناۋقاس تالاس اۋداندىق ورتالىق اۋرۋحاناسىنىڭ پروۆيزورلىق ستاتسيونارىنا شۇعىل تٷردە جاتقىزىلادى. ونىمەن قوسا, پاتسيەنتتٸڭ قانت ديابەتٸ, ارتەرييالىق گيپەرتەنزييا, پانكرەاتيت سىندى قوسالقى سوزىلمالى اۋرۋلارى بولعان. جٷرگٸزٸلگەن ەمنەن سوڭ دا دەنساۋلىعى جاقسارماعاندىقتان, اقىرى ول جانساقتاۋ بٶلٸمٸنە اۋىستىرىلادى.
دەرٸگەرلەردٸڭ جەلدەل جٷرگٸزٸلگەن ەمدٸك شارالارى مەن دەرٸ-دەرمەكتٸڭ ارقاسىندا قارييا بٸراز ۋاقىتتان سوڭ جازىلىپ شىقتى.
«بۇل جاعدايدى باستان ٶتكٸزبەي, ەشكٸم تٷسٸنە المايدى. اۋرۋدىڭ بار ەكەنٸنە سەنبەي جٷرگەن ازاماتتارعا ايتارىم: سالعىرتتىق تانىتپاڭىزدار. ٶزٸڭٸزدٸ ويلاماساڭىز دا, باسقالارعا زييانىڭىز تيمەسٸن. مەن كٶرگەن قيىندىقتى ەشكٸمنٸڭ باسىنا سالماسىن دەپ تٸلەيمٸن. ەڭ ماڭىزدىسى – بەتپەردە تاعىپ جٷرۋ كەرەك. ٶزٸمنٸڭ اتىمنان بارلىق دەرٸگەرلەر مەن مەيٸربەكەلەرگە, شەكسٸز ريزاشىلىعىم مەن العىس بٸلدٸرەمٸن» - دەيدٸ ول.
