Jambyl oblysy ákiminiń ókimimen Murathan Júnisáliuly Shúkeev Jambyl oblysy ákiminiń orynbasary bolyp taǵaiyndaldy, dep habarlaidy "Ult aqparat" oblys ákimdigiń baspasóz qyzmetine silteme jasap.
"Murathan Júnisáliuly búgingi kúnge deiin «Nur Otan» partiiasy Jambyl oblystyq filialy tóraǵasynyń birinshi orynbasary, Baizaq aýdany ákimi qyzmetterin atqarǵan. Ol endi aýyl sharýashylyǵy, tabiǵi resýrstar jáne tabiǵatty paidalaný salalaryna jaýapty orynbasar qyzmetine taǵaiyndaldy" delingen habarlamada.
Murathan Júnisáliuly Shúkeev 13 sáýir 1960 jyly Jambyl oblysy, Merki aýdany, Keńes aýylynda dúnie kelgen. Bilimi joǵary. Ulty qazaq. 1999 jyldan «Nur Otan» partiiasynyń múshesi. 1983 jyly Eńbek Qyzyl Tý ordendi Qazaq aýylsharýashylyǵy institýtyn ǵalym-agronom mamandyǵy boiynsha aiaqtaǵan.
Alǵashqy eńbek jolyn 1983 jyly Jezqazǵan oblysynyń Burma sovhozynda brigadir bolyp bastaǵan.
1984-1991 jyldary Jambyl oblysy, Lýgovoi aýdany aýylsharýashylyǵy basqarmasynyń bas agronomy, Lýgovoi aýdandyq komsomol komitetiniń uiymdastyrý bóliminiń meńgerýshisi, birinshi hatshysy, Ýkrain SSR-i Hmelnitsk qalasyndaǵy №59228 áskeri bóliminde rota komandiriniń orynbasary, Jambyl oblystyq komsomol komitetiniń ideologiia bóliminiń meńgerýshisi qyzmetterin atqarǵan.
1999-2012 jyldary aralyǵynda Lýgovoi aýdany «Vostok» kolhozynyń bas agronomy, «Aq niet» óndiristik kooperativinde agronom, odan keiin direktor, «MTS-Integratsiia» jaýapkershiligi shekteýli seriktestiginiń direktory, aýdandyq aýylsharýashylyǵy basqarmasynyń bastyǵy, aýdan ákimi apparatynyń jetekshisi, aýdan ákiminiń orynbasary boldy.
2012-2017 jyldary Jambyl oblysynyń Baizaq aýdany ákimi bolyp qyzmet atqardy.
2017 jyldyń aqpan aiynan bastap «Nur Otan» partiiasy Jambyl oblystyq filialy tóraǵasynyń birinshi orynbasary qyzmetin atqaryp keledi. Oblystyń áleýmettik-ekonomikalyq damýyna qosqan qomaqty úlesi úshin «Qurmet» ordenimen jáne medaldarymen marapattalǵan. T.Rysqulov aýdanynyń Qurmetti azamaty.
