Jambyl oblysy ákiminiń orynbasary Ulan Jazylbek ómirden ótti, dep habarlaidy "Ult aqparat".
Aqparatty oblys ákiminiń baspasóz qyzmeti rastady. Resmi málimetke sensek, 58 jastaǵy oblys ákiminiń orynbasary tynys alýdyń qiyndaýynan kóz jumǵan.
Ulan Jazylbek 1962 jyly týǵan.
1984 jyly Almaty sáýlet jáne qurylys institýtyn «injener-qurylysshy» mamandyǵy, al 2009 jyly Qonaev atyndaǵy ýniversitetti «zańger» mamandyǵy boiynsha támamdaǵan.
Eńbek jolyn 1984 jyly bastaǵan ol ár jyldary kommertsiialyq qurylymdarda basshylyq qyzmetter atqardy.
Memlekettik qyzmette de mol tájiribesi bar.
Almatydaǵy sáýlet-qurylys baqylaý departamentini sáýlet-qurylys baqylaý bóliminiń bas mamany, basshysy (2005-2009), «Qorǵas» halyqaralyq shekaralyq áriptestik ortalyǵy» AQ departament direktory, «Qorǵas-servis» JShS qurylys bóliminiń basshysy (2009-2011), Almaty qalasyndaǵy sáýlet-qurylys baqylaý jáne litsenziialaý departamenti basshysynyń orynbasary (2011-2013), QR Óńirlik damý ministrliginiń Qurylys jáne turǵyn úi-kommýnaldyq sharýashylyq máseleleri jónindegi komitet tóraǵasynyń orynbasary (2013-2014), QR Ulttyq ekonomika ministrliginiń infraqurylym jáne ekonomikany damytý departamentiniń direktory (2014-2017) boldy. 2017 jylǵy shilde-qarashada Qazaqstan Respýblikasy Investitsiialar jáne damý ministrliginiń Qurylys salasyn jáne turǵyn úi-kommýnaldyq sharýashylyqty damytý departamentiniń direktory bolyp jumys istedi, 2017 jylǵy qarashadan bastap 2020 jylǵy aqpanǵa deiin Pavlodar oblysy ákiminiń birinshi orynbasary laýazymyn atqardy.
Qazirgi qyzmetin 2020 jyldyń mamyr aiynan beri atqaryp kelgen.
