QR Prezidenti Qasym-Jomart Toqaevtyń jarlyǵymen 2020-jyl «Volonterlar» jyly dep jariialandy. Almaty qalasy Ortalyqtandyrylǵan kitaphanalar júiesi, qalalyq Jambyl atyndaǵy jasóspirimder kitaphanasynda volonterlar jylynyń kitaphanadaǵy resmi ashylýy ótti.
Saltanatty jiyn QR Prezidenti ideiasyn qoldap, ony nasihattaýdy maqsat etedi. Kitaphana oqyrmandaryna volonterlyqtyń mán-maǵynasyn, mańyzyn uǵyndyryp, jastardy belsendi bolýǵa shaqyrady. Sonymen qatar kelýshiler arasynda pikir almasyp jańa býynnyń jańa ideialary ortaǵa salynady.
Atalǵan sharaǵa shaqyrylatyn spikerler:
1. Paralimpiada oiyndarynyń júldegeri, voleiboldan Qazaqstan jastar quramasynyń kapitany – Serik Esmatov;
2. Jýrnalist, «Aitýǵa ońai», «Qareket», «Beý», «Sheshimi bar» baǵdarlamalarynyń prodiýseri – Áliia Qudaibergen;
3. «Nur Otan» partiiasy Almaly aýdandyq filialy aqparattyq tobynyń múshesi – Álmadi Qanatuly;
4. Almaty qalalyq «Jas Otan» jastar qanatynyń jetekshisi – Mádi Ahmetov;
5. Respýblika jáne Almaty qalasy boiynsha volonterlar ligasynyń jetekshisi – Aisulý Erniiazova.
Volonterlar jylynyń ashylý saltanatynda ár spiker kelýshilerge arnap eriktilik jaiynda keńinen málimet berdi. Onyń mánin asha otyryp el bolashaǵy úshin mańyzyn da saralady. Ulttyq tanymymyzda saqtalǵan asar, kórshige kómek syndy uǵymdar týraly tarata áńgimeledi.
Spikerler sózinen keiin qatysýshylarmen birge «Biz birgemiz» flesh-moby uiymdastyryldy. Kelýshilerge arnap toptyq aimaqta shahmat jáne toǵyzqumalaq taqtalary qoiyldy. Oqyrmandar Jiynǵa kelgender estelikke fotoǵa túsip, saltanatty sharadan rýhani azyq alyp, jigerlenip qaitty.
