Jambyl oblysyndaǵy tótenshe jaǵdaiǵa bailanysty qazirgi ýaqytta birneshe baǵytta poiyz júrisi toqtap tur. Osy oraida poiyzǵa bilet alyp qoiǵan jolaýshylardy onyń quny mazalaidy. Bilet qunyn qaitarýǵa qatysty «Qazaqstan temir jol» ulttyq kompaniiasy resmi túsinikteme berdi, dep habarlaidy QazAqparat.
«Toqtatylǵan poiyzdarǵa buryn jol júrý qujattaryn (biletterin) resimdegen jolaýshylar qaitarýdy resimdep, aqshalai qarajatty ustap qalýsyz tolyq kólemde ala alady. Jol júrý qujattaryn (biletterdi) qaitarý boiynsha túsindirme alý úshin 8-707-270-36-64 Whats App nómirine habarlasýǵa bolady», - dedi «Qazaqstan temir joly» ulttyq kompaniiasynyń BAQ-pen jumys jónindegi departamentiniń direktory Qaisar Jumabaiuly.
Buǵan deiin QTJ ókili atalǵan óńirge qatynaityn poiyzdar qozǵalysyna qatysty málimdeme jasady.
Aita ketsek, jolaýshylar ózin mazalaǵan suraqtardyń jaýabyn «105» nómirine habarlasyp bile alady.
Sondai-aq, jolaýshylarǵa vokzaldardyń anyqtama qyzmeti de kómek kórsetýge ázir.
Almaty-2 stantsiiasy 8-7272-96-13-15
Almaty-1 stantsiiasy 8-7272-96-33-90
Lýgovaia stantsiiasv 8-263-13-61-05
Shymkent stantsiiasy 8-7252-95-21-24
Taraz stantsiiasy 8-7262-96-24-59
Shý stantsiiasy 8-7264-36-36-82
Qyzylorda stantsiiasy 8-7242-29-21-35
