Qasym-Jomart Toqaevqa tabys tilegim keledi. Bul týraly Qazaqstan Respýblikasynyń kezekten tys sailaýynda kandidat Jambyl Ahmetbekov aitty, dep habarlaidy Baq.kz agenttigi.
«Ekzit-polldyń aldyn ala nátijesin qarap otyrmyn, tájiribe kórsetkendei ekzit-poll men Ortalyq sailaý komissiiasynyń qorytyndysynyń arasynda úlken alshaqtyq bolmaidy. Demek osy turǵy da qarastyrýǵa bolady. Jalpy, sailaý barysynda bizdiń shtabtyń qyzmetkerleri eshqandai zań buzýshylyq tirkemedi. Sailaý qorytyndysyn da kútken durys shyǵar, degenmen ekzit-poll nátijesimen arasynda úlken aiyrmashylyq bolmasa, sailaý ádil ótti deýge ábden bolady», - dedi Jambyl Ahmetbekov.
Aita keteiik, ekzit-poll nátijesi boiynsha Qazaqstan KHP atynan úmitker retinde usynylǵan Jambyl Ahmetbekov 3,86% sailaýshylardyń daýsyn jinady.
Sonymen qatar, ol áleýmettik saýalnama - ekzit-polldyń nátijesi boiynsha jeńiske jetken Qasym-Jomart Toqaevqa tabys tiledi.
«Sóz basynda aityp ketkenimdei, ekzit-poll men OSK qorytyndysynyń arasynda úlkne alshaqtyq bola bermeidi. Biz tájiribeli mamandarmyz deýge bolady, partamenttik, prezidenttik sailaýǵa buǵan deiin qatysqan bolatynbyz. Sol tájiribeme súiene otyryp Qasym Jomart Toqaevqa tabys tilegim keledi. Demek onyń baǵdarlamasy sailaýshylarǵa jaqyn boldy degen sóz. Osyǵan qaramastan jeńiske jetken úmitkerge qarsy shyqpastan óz baǵdarlamamyzdyf qatar alyp júretin bolamyz», - dedi sóz sońynda Jambyl Ahmetbekov.
