Foto: hcbarys.kz
Qarjy ministri - Premer-ministrdiń orynbasary Erulan Jamaýbaev "Barys" hokkeishileriniń joǵary ailyǵy týraly pikir bildirdi, - dep habarlaidy Massaget.kz portaly.
Birneshe BAQ-ta "Barystyń" quramyndaǵy oiynshylar - Nikita Mihailis pen Linden Vei jyl saiyn 377 million teńgeden jalaqy alyp otyrǵany taraǵan bolatyn. Al Maikl Shapiý, Entoni Lýis, Djeremi Brakkonyń jyldyq tabysy 200 million teńgege jýyqtaityn kórinedi.
Osy shyǵyndarǵa qatysty qarjy ministri - Premer-ministrdiń orynbasary Erulan Jamaýbaev pikir bildirdi.
"Sportty kórip júrsizder, chempionattardy, iri oiyndardy, máselen sońǵy chempionatty baiqadyńyzdar. Messi bastaǵan top, máselen, Argentinadaǵy óte bai klýbta óner kórsetedi. Sondyqtan mundai myqty oiynshylardyń kelýi el chempionatynyń kúsheiýine múmkindik beredi. Jeńis tuǵyrynan kóriný úshin óte mánerli ári ushqyr oinaityn sportshylar kerek", - dedi Jamaýbaev.
Dese de, ministr shetelden jappai sportshylardy satyp alý durys dep sanamaitynyn aityp, myqty oiynshylardyń bolýy halyqaralyq tájiribe ekenin de eske saldy.
"Degenmen, qarjy ministri - Premer-ministrdiń orynbasary retinde aitarym, biz kezinde respýblikalyq jáne jergilikti biýdjet esebinen osyndai klýbtardy qarjylandyrýǵa tyiym salǵan bolatynbyz. Bólmeimiz. Bizdiń negizgi maqsatymyz - buqaralyq sportty damytý. Jasóspirimderdiń aramyzdan shyǵyp, iri sportshy bolýyna jaǵdai jasaý", - dedi ol.
Jamaýbaev hokkeishilerge bólingen shyǵynnyń óz argýmenti bar ekenin de atap ótti. Biliktiń eki jaqty da tyńdaǵany jón ekenin eskertti.
"Eger "Barys" klýbynda jai oiynshylar oinaityn bolsa, onda klýbtyń keregi de joq. Arasynda kóshbasshy kerek. Árine, biraq "Kórpeńe qarai kósil" deidi. Búkil aqshamyzdy sportshylarǵa jumsamai, balans tabý kerek", - dedi Úkimet basshylyǵynyń ókili.
Ol sondyqtan da biýdjet esebinen iri, qomaqty oiynshylardy tartýǵa tyiym salynǵanyn atap ótti.
Alaida "Barys" legionerlerin Messimen salystyrý qanshalyqty oryndy ekenin suraǵan jýrnalisterge jaýap bere almady. Mundai saýaldardy tiisti vedomstvolarǵa joldaýdy usyndy.
