Májilis depýtaty Amanjan Jamalov temeki ónimderi men alkogol sýsyndaryn tańbalaý jobasyna kúmán keltirdi, dep habarlaidy QazAqparat.
«Biznesti ásirese temeki ónimderin, alkogol sýsyndaryn, sút ónimderin tańbalaý jónindegi ilki joba ashýlandyryp otyr. Olar Elektrondy esepshot júiesin qaitalaidy jáne taýarlardyń tikelei qymbattaýyna kásipkerlerdiń qosymsha shyǵyndanýyna alyp keledi. Atalǵan ilki jobalardyń tiimdiligi búginge deiin dáleldenbegen. Munyń bári biznestiń jaǵdaiyn jeńildetpeidi, kerisinshe nasharlatady. Biznes te ádisterdi qaita qaraýdy jáne bul ilki jobalardy alyp tastaýdy únemi surap keledi. Osy ilki jobalardyń barlyǵy da Qarjy ministrliginiń derbes buiryǵymen engiziledi. Mundai jait nelikten oryn alýda? Atalǵan ilki jobalardyń qajettiligi biznespen nege talqylanbaidy?», - dedi búgin Májilistiń jalpy otyrysynda QR Premer-Ministri Asqar Maminge depýtattyq saýal joldaǵan Amanjan Jamalov.
Osyǵan orai Májilis depýtaty Úkimet basshysynan ilki jobalardyń júzege asyrylý barysy men tiimdiligi týraly tolyqqandy aqparat berýdi, jańa ilki jobalardy engizýdi toqtatýdy suraidy.
