Májilistiń sońǵy plenarlyq otyrysynda «Aq jol» partiiasy fraktsiiasynyń ókili Merýert Qazbekova Ulttyq Banktyń Tóraǵasy Daniiar Aqyshevtyń atyna ashýly hat joldady.
Depýtat fraktsiia múshelerimen birge Ulttyq Bank Tóraǵasyna «Sheteldik valiýtalarmen alynǵan ipotekalyq qaryzdardy qaita qarjylandyrý baǵdarlamasyn» adal boryshkerlerdiń múddesin qorǵaý máselesi boiynsha jaqsartýdy surap ústimizdegi jyldyń 29 shildesinde jáne 7 qyrkúieginde depýtattyq saýal joldaǵanyn aitady.
«Sonyń ishinde biz baǵdarlamanyń sharty boiynsha alǵan nesielerin tólemei kelgenderge devalvatsiiasynyń byltyrǵydan burynǵy kýrsymen qaita eseptep, jeńildik jasalǵanyn, al adal tólep kelgenderge qaita qarjylandyrý búgingi kýrspen eseptelgenin, sóitip olardyń qaryzdary 70-80 paiyzǵa artyp ketkenin kórsetkenbiz. Bizdińshe bul ádiletsiz, tipti azamattardyń teńdigin buzyp, Konstitýtsiianyń normasyn aiaq asty etip otyr, sondyqtan jaǵdaidy túzetýińizdi suraimyz» degen edik. Biraq sonyń ekeýine de Ulttyq Bank Tóraǵasynyń orynbasary O.Smoliakovtyń qoly qoiylǵan jaltarma jaýap keldi dep renishin tanytady depýtat.
Saýaldyń toqeterinde depýtat: Mundai jaýapty «Aq jol» fraktsiiasynyń músheleri jaýap dep qabyldamaitynyn aitqan. «Biz Sizden úshinshi ret saýalymyzdy qarap, negizdelgen jaýap berýińizdi jáne depýtattardyń saýalyna jaltarma jaýap daiyndaǵan qyzmetkerlerińizdi jaýapkershilikke tartýyńyzdy talap etemiz» delingen saýalda.
Aita ketetin jait, Májilistiń sońǵy jyldardaǵy tarihynda mundai talap bolmaǵan edi. Depýtattardyń bári jaltarma jaýapqa qarsy amal taba almai, únsiz qoia salatyn.
Parlament jáne onyń depýtattarynyń mártebesi týraly Konstitýtsiialyq zańnyń 27-babynda: «Depýtattyq saýal memlekettik organdardyń laýazymdy tulǵalarynyń quzyretine kiretin máseleler jóninde túsinikteme berýin nemese óz kózqarasyn baiandaýyn resmi suraǵan depýtattyń talaby bolyp tabylady. Suraý salýǵa jazbasha jaýap bir ai merzimde tabys etiledi. Suraý salýǵa qaitarylǵan jaýap pen ony talqylaýdyń nátijeleri boiynsha Palatanyń qaýlysy qabyldanady» delingenin de kóptegen laýazymdy tulǵalar bile bermeidi. Eger D.Aqyshev osy joly da jaltarma jaýap jiberse, depýtattar palatanyń arnaiy Qaýlysyn qabyldaý týraly usynys engizýine tolyq qaqy bar. Onda D.Aqyshev myrzaǵa senimsizdik kórsetilýi de múmkin. Shirkin-ai, «Aq jol» osyǵan deiin barsa, bastyqtardyń báriniń de basy aýyryp, jaýapkershilikteri artar edi.
S.ELEÝ, sarapshy
Ult portaly
