Túrkiianyń Qazaqstan Respýblikasyndaǵy Elshiligi qazaq halqymen tilektestik nietin bildirip, Nur-Sultan qalasyndaǵy ǵimaratyna ilingen memlekettik týdy tómen túsirdi.
Bul týraly Elshiliktiń Facebook-tegi paraqshasynda habarlandy, dep jazady QazAqparat.
«Qazaqstanda jariialanǵan ulttyq aza tutý kúnine bailanysty baýyrlas qazaq halqymen tilektestik nietinde Elshiligimizdegi týymyzdy jartylai tómen túsirdik. Osy oraida, jarylystardan qaza tapqandarǵa taǵy da Alladan raqym, jaralanǵandardyń da tezirek saýyǵyp ketýin tileimiz», - dep jazylǵan Facebook-tegi málimette.
Eske salsaq, keshe QR Prezidenti Qasym-Jomart Toqaev 29 tamyzdy Jalpyulttyq aza tutý kúni dep jariialaǵan bolatyn.
«Jambyl oblysy Baizaq aýdanyndaǵy adam ólimine ákep soqtyrǵan qaiǵyly oqiǵaǵa bailanysty 29 tamyzdy Jalpyulttyq aza tutý kúni dep jariialaimyn. Qaza bolǵan áskeri qyzmetshiler men qutqarýshylar eren erlik pen naǵyz janqiiarlyq kórsetti. Erlerimizdiń esimi el jadynda máńgi saqtalady», - dep jazdy Memleket basshysy Twitter-degi paraqshasynda.
