تٷركييانىڭ قازاقستان رەسپۋبليكاسىنداعى ەلشٸلٸگٸ قازاق حالقىمەن تٸلەكتەستٸك نيەتٸن بٸلدٸرٸپ, نۇر-سۇلتان قالاسىنداعى عيماراتىنا ٸلٸنگەن مەملەكەتتٸك تۋدى تٶمەن تٷسٸردٸ.
بۇل تۋرالى ەلشٸلٸكتٸڭ Facebook-تەگٸ پاراقشاسىندا حابارلاندى, دەپ جازادى قازاقپارات.
«قازاقستاندا جارييالانعان ۇلتتىق ازا تۇتۋ كٷنٸنە بايلانىستى باۋىرلاس قازاق حالقىمەن تٸلەكتەستٸك نيەتٸندە ەلشٸلٸگٸمٸزدەگٸ تۋىمىزدى جارتىلاي تٶمەن تٷسٸردٸك. وسى ورايدا, جارىلىستاردان قازا تاپقاندارعا تاعى دا اللادان راقىم, جارالانعانداردىڭ دا تەزٸرەك ساۋىعىپ كەتۋٸن تٸلەيمٸز», - دەپ جازىلعان Facebook-تەگٸ مەلٸمەتتە.
ەسكە سالساق, كەشە قر پرەزيدەنتٸ قاسىم-جومارت توقاەۆ 29 تامىزدى جالپىۇلتتىق ازا تۇتۋ كٷنٸ دەپ جارييالاعان بولاتىن.
«جامبىل وبلىسى بايزاق اۋدانىنداعى ادام ٶلٸمٸنە ەكەپ سوقتىرعان قايعىلى وقيعاعا بايلانىستى 29 تامىزدى جالپىۇلتتىق ازا تۇتۋ كٷنٸ دەپ جارييالايمىن. قازا بولعان ەسكەري قىزمەتشٸلەر مەن قۇتقارۋشىلار ەرەن ەرلٸك پەن ناعىز جانقييارلىق كٶرسەتتٸ. ەرلەرٸمٸزدٸڭ ەسٸمٸ ەل جادىندا مەڭگٸ ساقتالادى», - دەپ جازدى مەملەكەت باسشىسى Twitter-دەگٸ پاراقشاسىندا.
