© instagram.com/aigul_imanbayeva
Ánshi, aktrisa Aigúl Imanbaeva óziniń áleýmettik jelidegi paraqshasynda jalǵyzbasty áielderdiń neden qinalatynyn jáne olardy ózi túsinetinin aityp jetkizdi, -dep habarlaidy "Ult Aqparat" tilshisi.
Imanbaevanyń pikirinshe bizdiń qoǵamda ásirese bala shaǵasyn jalǵyz asyrap jatqan áielderge qiyn, sondyqtan da olar myqty bolýy kerek.
"Menińshe, bizdiń qoǵamda jalǵyzbasty áielderge maǵan keide oryn joq siiaqty bolyp kórinedi. Sebebi jalǵyzbasty áiel óziniń ornyn, óz enshisin kádimgi tisimen, qolymen julyp almasa, ornyn tappaýy da múmkin. Baiqaisyzdar ma, bizdiń qoǵamda qazir "Men jalǵyzbasty anamyn, ákesiz bala ósirip otyrmyn. Meniń jaǵdaiym joq" deitinder óte kóp. Mundai jaǵdailar óte jii kezdesedi. Iaǵni áielder ózin jaraly, kereksiz sezinedi. Árine ol qatarda men de barmyn. Óz basymnan ótkendi aitaiyn. Ajyrasqannan keiin seni ishpei-jemei júrgishke, buzyq áielderdiń qataryna avtomatty túrde jatqyzady", - degen Aigúl Imanbaeva jalǵyzbasty áielder minezdi bolýy kerek dep esepteidi.
Sonymen qatar ánshi jalǵyzbasty áielderge qoǵamdaǵy kózqarasty bylai jetkizdi:
"Toi-tomalaqqa jalǵyz barsań, sol jerde kúieýin tartyp alyp qoiatyndai kúieýi bar áielder qyzǵanady. Kúieýsiz baryp qalsań "myna baiqus áli júr me" degen kózqarastar bolady. Kóp áielder komplekske kirip ketedi. Ózderin kereksiz, jaralanǵan qalypqa kirgize bastaidy. Jalǵyzbasty áielge erkektiń kúshidei kúsh, erkektiń energiiasyndai energiia, erkektiń psihologiiasy da qajet bolady. Árine, erkek bola almaisyń. Biraq balańdy jetkizý úshin, qoǵamda ózińniń ornyńdy alý úshin, ózińdi syilata bilý úshin de saǵan minez, qajymaityn qairat kúsh, bilim kerek bolady. Názik áiel energiiasyn erkektikine aiyrbastaýǵa týra keledi. Olai jasamasań jaraly bolyp júre beresiń", - dedi ol.
