Atyshýly Arqankergen oqiǵasynda Vladislav Chelahtyń 15 adamdy óltirgenine búgin polkovnik Roman Qurmanbaev ta kúmán keltirdi, - dep habarlaidy Ulysmedia.kz.
Qazaqstan shekarasynyń barlyq jerin jatqa biletinine nazar aýdarǵan ol qazir túrmede otyrǵan Chelahtyń jalǵyz ózi 15 adamǵa áli kelgenine kelispeidi.
«Ol jerde áskeri álimjettik boldy. Eresek jaýyngerler jańadan kelgen jas sarbazdarǵa qysym jasady. Shydai almaǵan jastar olardy atyp tastady. Ol (Chelah) kisi óltirýge qatysty, biraq bárin jalǵyz ózi óltire almady. Ol 15 adamdy jalǵyz ózi óltire almady, tipti jaralanǵan adamnyń ózi tiri qalýy úshin toitarys bere alady. Keiin Chelah óziniń jaqtastary men oqiǵanyń kýási bolǵan qoryqshyny atyp tastady», - deidi sala sarapshysy.
Eske sala ketsek, buǵan deiin de áskeri mamandar arnaiy daiyndyǵy bar sarbazdyń da ondai sandaǵy top jaýyngerdiń kózin qurta almaitynyn aitqan edi.
