Qazaqstandyq faiter Jalǵas Jumaǵulov (14-7) UFC Vegas 56 týrnirinde amerikalyq Djeff Molinamen ótken jekpe-jekte jeńilip qaldy, - dep habarlaidy Tengrinews.kz agenttigi Vesti.kz tilshisine silteme jasap.
Úsh raýndqa eseptelgen jekpe-jek 29:28, 28:29, 30:27 esebimen tóreshiler sheshimimen 24 jastaǵy amerikalyqtyń jeńisimen aiaqtaldy.
Eske salaiyq, 33 jastaǵy qazaqstandyq sportshynyń salmaǵy - 57,15 keli.
Bul Jumaǵulovtyń mansabyndaǵy jetinshi jeńilisi jáne amerikalyq promoýshendegi bes jekpe-jektegi tórtinshi jeńilisi. Ol buǵan deiin UFC-degi tórt jekpe-jektiń bireýinde ǵana jeńiske jetken. Jeltoqsanda ótken sońǵy jekpe-jeginde birinshi raýndta angolalyq Manel Kapadan (17-6) nokaýtpen utyldy.
Al qarsylasy Djeff Molina osyǵan deiin UFC-de eki jekpe-jek ótkizip, ekeýinde de jeńiske jetken sportshy. 2021 jyldyń qazan aiynda ótken jekpe-jektiń ekinshi raýndynda braziliialyq Daniel Laserdiýdi (11-3) nokaýtqa túsirgen.
