قازاقستاندىق فايتەر جالعاس جۇماعۇلوۆ (14-7) UFC Vegas 56 تۋرنيرٸندە امەريكالىق دجەفف مولينامەن ٶتكەن جەكپە-جەكتە جەڭٸلٸپ قالدى, - دەپ حابارلايدى Tengrinews.kz اگەنتتٸگٸ Vesti.kz تٸلشٸسٸنە سٸلتەمە جاساپ.
ٷش راۋندقا ەسەپتەلگەن جەكپە-جەك 29:28, 28:29, 30:27 ەسەبٸمەن تٶرەشٸلەر شەشٸمٸمەن 24 جاستاعى امەريكالىقتىڭ جەڭٸسٸمەن اياقتالدى.
ەسكە سالايىق, 33 جاستاعى قازاقستاندىق سپورتشىنىڭ سالماعى - 57,15 كەلٸ.
بۇل جۇماعۇلوۆتىڭ مانسابىنداعى جەتٸنشٸ جەڭٸلٸسٸ جەنە امەريكالىق پروموۋشەندەگٸ بەس جەكپە-جەكتەگٸ تٶرتٸنشٸ جەڭٸلٸسٸ. ول بۇعان دەيٸن UFC-دەگٸ تٶرت جەكپە-جەكتٸڭ بٸرەۋٸندە عانا جەڭٸسكە جەتكەن. جەلتوقساندا ٶتكەن سوڭعى جەكپە-جەگٸندە بٸرٸنشٸ راۋندتا انگولالىق مانەل كاپادان (17-6) نوكاۋتپەن ۇتىلدى.
ال قارسىلاسى دجەفف مولينا وسىعان دەيٸن UFC-دە ەكٸ جەكپە-جەك ٶتكٸزٸپ, ەكەۋٸندە دە جەڭٸسكە جەتكەن سپورتشى. 2021 جىلدىڭ قازان ايىندا ٶتكەن جەكپە-جەكتٸڭ ەكٸنشٸ راۋندىندا برازيلييالىق دانيەل لاسەرديۋدٸ (11-3) نوكاۋتقا تٷسٸرگەن.
